Næsta viðureign „Team Iceland“ verður gegn liði Argentínu og fer fram sunnudaginn 9. september.
Viðureignin er liður í undirbúningi Team Iceland fyrir Heimsdeildina í netskák (LCWL) sem hefst í október.
Keppnin verður með sama sniði og gegn Úkraínu í síðustu viku, en fyrst er tefld leifturskák (bullet) og hefst sú viðureign kl. 20. Því næst er tefld hraðskák og hefst sú rimma kl. 20:20. Athugið að keppendur þurfa að skipta um mót á milli viðureigna, en einfaldast er að nota „Tournaments“ flipann á Chess.com til þess.
Lið Argentínu endaði í 7. sæti í 1. deild á tímabilinu sem lauk í ágúst. Þeir eru með nokkuð þétt lið (sjá hér) og hafa undanfarið verið að tefla á 20-40 borðum og ættu því flestir að fá andstæðing í þessari viðureign.
Allir eru hvattir til að ganga í “Team Iceland” og mæta til leiks!
- Heimasíða Argentínu á Chess.com: https://www.chess.com/club/argentina-live-chess
ALLIR GETA VERIÐ MEÐ! HVAÐ ÞARF AÐ GERA TIL AÐ TAKA ÞÁTT?
Athygli er vakin á því að allir sem vilja geta gengið í Team Iceland og tekið þátt í viðureignum liðsis í haust og vetur. Mótin eru opin öllum og ekki er gerð krafa um lágmarks styrkleika. Allir eru því hvattir til að ganga í „Team Iceland“ og taka þátt í þessum skemmtilegu viðureignum.
Keppendur þurfa að ganga í hópinn https://www.chess.com/club/team-iceland á Chess.com áður en keppnin hefst. Tenglar á mótin eru hér að neðan, en einfaldast er að nota “Tournaments” flipann á Chess.com.
DAGSKRÁIN. ATH NÝJAR TÍMASETNINGAR!
- Sunnudaginn 9. September kl. 20:00 – Bullet keppni (Ísland – Argentína) 1/1 (https://www.chess.com/live#tm=1621)
- Sunnudaginn 9. September kl. 20:20 – Hraðskák (Ísland – Argentína) 5/2 (https://www.chess.com/live#tm=1622)
- Sunnudaginn 9. september kl. 21:00 – Aukamót (lett mot) 3/2 Arena – fyrir þá sem vilja tefla meira (Íslendingar) (https://www.chess.com/live#r=60406)
