Íslandsmeistararar Víkingaklúbbsins.

Fyrri hluti Íslandsmóts skákfélaga 2018-2019 fer fram dagana 8. – 11. nóvember  nk.  Mótið fer fram í Rimaskóla.  1. umferð (eingöngu í 1.deild) mun hefjast kl. 19.30 fimmtudaginn 8. nóvember. Aðrar deildir munu hefja taflmennsku föstudaginn 9. nóvember kl. 20.00 og síðan tefla laugardaginn 10. nóvember kl. 11.00 og kl. 17.00 sama dag.  Síðasta umferðin í fyrri hlutanum hefst kl. 11.00 sunnudaginn 11. nóvember.

Umhugsunartími er 90 mín. á skákina + 30 sek. viðbótartími bætist við eftir hvern leik.

Þátttökugjöld:

  • 1. deild kr. 80.000.-
  • 2. deild kr. 65.000.-
  • 3. deild kr. 20.000.-
  • 4. deild kr. 15.000.-

Skáksamband Íslands mun greiða fargjöld utan stór-Reykjavíkursvæðisins samkvæmt reikningum fyrir sveitir í 1. og 2. deild.  Miða skal við einn brottfararstað á hverju svæði, t.d. Akureyri, Egilsstaði, Ísafjörð.  Sami háttur verður hafður í 3. og 4. deild og áður, þ.e. þátttökugjöld höfð lág en sveitirnar verða sjálfar að sjá um ferðakostnað á skákstað.

Skráning fer fram í gula kassanum á hægri hlið Skák.is. Upplýsingar um þegar skráðar sveitir má finna hér.

- Auglýsing -