Fjör á félagaskiptamarkaði: Stórmeistarar, alþjóðlegir meistarar, FIDE-meistarar og formenn

Félagaskiptaglugganum fyrir Íslandsmót skákfélaga var lokað á miðnætti í gær. Ýmislegt gekk á lokametrunum og hér farið yfir helstu skipti.

Stórmeistarar skipta um félög

Tveir stórmeistarar skiptu um félög fyrir lok gluggans. Bragi Þorfinnsson fekk til liðs við Skákfélag Selfoss og nágrennis (SSON) úr Taflfélagi Reykjavíkur (TR).

Helgi Áss Grétarsson kemur þess í stað í TR en hann gengur úr Skákfélaginu Hugin.

Alþjóðlegu meistarnir líka

Dagur Arngrímsson gekk til liðs við SSON sem virðast hafa sterku liði á skipa á næsta Íslandsmóti skákfélaga. Hann var áður í Breiðabliki, Bolungarvík og Reykjanesi.  Davíð Kjartansson gekk úr Fjölni en gekk ekki til liðs við neitt félag. Davíð verður því án félags þegar fyrri hlutinn fer fram en getur gengið í nýtt félag fyrir seinni hlutann.

FIDE-meistarar, forystumenn og aðrir sterkir skákmenn

Alls konar fleiri áhugaverð félagskipti urðu. FIDE-meistarinn Róbert Lagerman gekk til liðs við SSON úr Vinaskákfélaginu. Samkvæmt heimildum Skák.is fóru þau félagaskipti fram í besta bróðerni og verður Róbert áfram formaður Vinaskákfélagsins. Annar alþjóðlegur skákstjóri, Ingibjörg Edda Birgisdóttir, gekk einnig í SSON. Félagi Róbert úr Hróknum, Hrafn Jökulsson, er líka kominn í SSON

Bjarni Sæmundsson, helsti forystumaður UMSB, gekk úr félaginu og yfir í Taflfélag Garðabæjar. Flestir sterkustu skákmenn UMSB hafa gengið úr félaginu og hlýtur að vera afar óvísst um þátttöku sveitarinnar. Tinna Kristín Finnbogadóttir gekk til liðs við Fjölni.

Eyjemenn styrktu sig. Þangað héldu Þorsteinn Þorsteinsson (úr Hugin), Örn Leó Jóhannsson (úr Breiðabliki, Bolungarvík og Reykjanesi) og Páll Andrason (úr TG).

Hilmar Þorsteinsson gekk í TR úr Hugin. Björgvin Víglundsson fór í KR úr TR. Sigurður Páll Steindórsson, annar helmingur Sigsteins, er kominn yfir í Skákgengið. Hinn helmingurinn, Bergsteinn Einarsson, er áfram í TR. Daði Ómarsson gekk úr Hrókum alls fagnaðar yfir í TR eftir nokkra fjarveru. Júlíus Friðjósson er einnig kominn aftur í TR – en hann hefur síðustu ár verið í Skákfélagi Siglufjarðar.

Það hefur ekki framhjá pistlahöfundi að margir forystumenn taflfélaga hafa kynnt sér vel ný lög SÍ, sem ákveðin voru á síðasta aðalfundi sambandsins, og gera sér grein fyrir mikilvægi þess að lenda ákveðnum sætum á næsta Íslandsmóti skákfélaga. Fyrstu fjögur sætin í 2. deild gefa t.d. keppnisrétt í nýju 1. deildinn og sama gildir um efstu fjögur sætin í 3. deild. Þau eru mikilvæg því þau gefa keppnisrétt í hinni nýju 2. deild. Baráttan á komandi keppnistímabili getur því orðið óvenju spennandi.

Félagaskipti 1. janúar – 13. september

Erlendar félagaskaskráningar frá áramótum

- Auglýsing -