Heimsmeistaramótinu í atskák lauk í gær í Moskvu. Magnús Carlsen (2886) vann öruggan sigur á mótinu í opnum flokki en hann hlaut 11½ vinning í skákunum 15. Í 2.-4. sæti, vinningi á eftir heimsmeistaranum, urðu Íraninn Alireza Firouzja (2614), sem væntanlega skiptir yfir til Frakklands, Bandaríkjamaðurinn Hikaru Nakamura (2819) og Rússinn Vladimir Artemiev (2756).
Lokastaðan
Lokastöðuna í heild sinni má finna á Chess-Results.
Humpary Konaru (2438) varð heimsmeistari kvenna. Hún varð efst ásamt Lei Tingjie (2498) og Ekarerina Atalik (2360) en hafði titilinn eftir sigur á Lei Tingjie í bráðabana.
Lokastaðan
Lokastöðuna í heild sinni má finna á Chess-Results.
HM í hraðskák hefst núna kl. 12. Þar eru tefld 21 umferð með umhugsunartímanum 3+2. Í dag eru tefldar 12 umferðir og á morgun eru tefldar 9. Taflmennskan í dag hefst kl. 12 en kl. 11 á morgun. Vladmir Kramnik er meðal keppenda á HM í hraðskák.
Nánar um mótin á Chess.com.
HM í hraðskák beinni
Hvernig er best að fylgjast með veislunni?
Allmargar leiðir eru til þess. Ritstjóri getur bent á eftirfarandi leiðir
- NRK – Beinar útsendingar eru á NRK. Hafa verður í huga að öll athyglin á NRK fer á Magnús Carlsen en útsendingarnar eru senn skemmtilegar og líflegar.
- Heimasíða mótsins og Chess24 – mjög góðar skýringar. Þær sömu og eru í youtube-tenglinum hér að ofan. Í umsjón Leko, Miro og Skripchenko
- Chess.com. Þar eru öflugir menn á ferðinni en skákskýringar eru í höndum stórmeistarana Yasser Seirawan og Robert Hess
- Chess-Results – úrslit og staða
Viltu tefla sjálfur?
Íslandsmótið í atskák fer fram í dag og hefst kl. 13. Á sama tíma fer fram Hverfakeppni SA fyrir norðan. Í kvöld fer svo fram lokamótið Íslandsmótsins í netskák og hefst kl. 20.
