Vignir Vatnar að tafli á Íslandsmóti skákfélaga. Mynd: Ómar Óskarsson.

Ólympíuskákmótið hefst 29. júlí í Chennai á Indlandi. Ísland sendir lið í opnum flokki sem og í kvennaflokki. Fram að móti munum við fjalla um ólympíufarana – einn á dag!

Í dag kynnum við til leiks Vignir Vatnar Stefánsson sem teflir á sínu fyrsta Ólympíuskákmóti.

Nafn

Vignir Vatnar

Félag

Breiðablik

Aldur

19

Uppáhaldsskákmaður og skákkona?

Seo og Ramona Golsta

Hvernig er þínum undirbúningi (skáklegum, andlegum, líkamlegum) háttað fyrir Ólympíumótið nú? 

Bara vera mjög vel bókaður upp í byrjunum og í ræktinni 6x viku, veit ekki með andlegu hliðina ætli ég kikji ekki í Yoga með Gumma

Hvað eiga Indverjar marga stórmeistara? Hér er Google og öll önnur hjálpartæki bönnuð! 

Held þeir eigi yfir 65 en ekki yfir 70 þannig ég giska 67

Hversu oft hefur þú farið á Ólympíuskákmót?

Þetta verður fyrsta og vonandi ekki síðasta

Mun ManU ná meistaradeildarsæti án Christano Ronaldo?

Nei verða heppnir ef þeir falla ekki.

Hverja telur þú líklegasta til sigurs á Ólympíuskákmótinu í opnum og kvennaflokki?

Bandaríkin vinnur opna flokkinn 100% ætla síðan að skjóta á Úkraínu í kvenna

Hvað er það síðasta sem þú horfðir á Netflix (eða annarri sjónvarpsveitu)?

Horfði á Big Bang Theory fyrir stuttu

Mun Carlsen tefla heimsmeistaraeinvígi við Nepo á næsta ári?

Einfalt svar nei

Minnistæðasta skák á Ólympíuskákmóti:

Ding Liren – Jan-Kryztof Duda Batumi 2018

Hvernig finnst þér indverskur matur?

Geggjaður ef hann er ekki spicy

Hverjum spáir þú sigri í forsetakosningum FIDE?  

Dvorkovic bara

Þekktasti Indverjinn sem þú veist um sem ekki er skákmaður?

Raj frá Big Bang Theory

Með hverjum þremur (lífs eða lifnum) skákmönnum myndir þú vilja eiga kvöldmáltíð með og af hverju?

Langalangafa Pétur Zóphaniusson sem var fyrsti Íslandsmeistarinn í skák, Friðrik Ólafs af þvi hann er geitin og Fischer áður en hann tefldi einvígið árið 1972!

Ólympíufararnir

- Auglýsing -

TENGDAR GREINARFLEIRI FRÉTTIR