Fjórða og fimmta umferð fóru fram á Hit Open í Nova Gorcia í Slóveníu í gær. Í fyrri umferð dagsins gerði alþjóðlegi meistarinn, Vignir Vatnar Stefánsson (2452), jafntefli við Matthew Wadsworth (2423) í afar fjörugri skák sem innihélt drottningafórnir á báða bóga. Í seinni skákinni vann Vignir slóvenska FIDE-meistarann Jaka Brilej (2329).
Vignir er efstur með 4 vinninga og er efstur ásamt tveimur öðrum. Sjötta umferð fer fram í dag og hefst kl. 15. Þá teflir Vignir við sænska alþjóðlega meistarann Seo Jung Min (2516)
98 keppendur frá 23 löndum taka þátt í flokki Vignis. Þar á meðal 9 stórmeistarar. Vignir er níundi í stigaröð keppenda. Mótið fer fram 16.-22. september.
- Heimasíða mótsins
- Chess-Results
- Beinar útsendingar Hefjast flestar kl. 15
——
Jósef Omarsson tekur þátt í HM ungmenna (u12) sem fram fer í Batumi í Georgíu 16.-27. september.
Hann vann hollenskan skákmann í 3. umferð í gær og hefur 1 vinning.
- Heimasíða mótsins
- Chess-Results
- Beinar útsendingar (hefjast flestar kl. 11)
