Síðari hluti Kvikudeildarinnar hófst í kvöld – Víkingar efstir

Síðari hluti Íslandsmóts skákfélaga sem í ár er í boði Kviku eignastýringar hófst í kvöld í Rimaskóla. Segja má að línur hafi skýrst. Liðin í efri hlutanum unnu lið úr neðri hlutunum. Það virðist því vera þannig að þrjú lið berjast um málm en hin þrjú liðin berjast um að halda sæti sínu í deil þeirra bestu, Kvikudeildinni.

Víkingaklúbburinn vann stórsigur, 7-1, á Skákdeild Fjölnis. Leyfðu aðeins tvö jafntefli. Taflfélag Garðabæjar (TG) vann heldur tæpari sigur, 5½-2½ á Skákdeild KR. Víkingar og TG hafa 10 stig af 12 mögulegum. Víkingar hafa fleiri vinninga og eru því á toppnum. Taflfélag Reykjavíkur vann 6½-1½ á Skákdeild Breiðabliks og eru í þriðja sæti í 8 stig.

Víkingar, TG og TR hafa örlögin í eigin höndum. Sigur í þeim viðureignum sem eftir eru tryggir væntanlegur sigur í keppninni.

KR stendur best að vígi í botnbaráttunni. Hafa 4 stig. Breiðablik og Fjölnir hafa 2 stig.

Staðan

1. Víkingaklúbburinn 10 stig (33½ v.)
2. Taflfélag Garðabæjar 10 stig (31 v.)
3. Taflfélag Reykjavíkur 8 stig (28½ v.)
4. Skákdeild KR 4 stig (20 v.)
5. Skákdeild Fjölnis 2 stig (16 v.)
6. Skákdeild Breiðabliks 2 stig (15 v.)

Sjöunda umferð fer fram á morgun. Þá flyst mótið í Fjölnishöllina í Egilshöll og beinar útsendingar hefjast í Kvikudeildinni. Í sjöundu umferð verður einn toppbaráttuslagur og einn botnbaráttuslagur.

TR – Víkingaklúbburinn
Fjölnir – TR
Breiðablik – KR

Á laugardaginn hefst svo taflmennska í öðrum deildum.

Umhugsunartími er 90 mín. á skákina + 30 sek. viðbótartími bætist við eftir hvern leik.

• Heimasíða mótsins
• Chess-Results
• Skáklög Skáksambands Íslands (12. grein)
• Reglugerð um Íslandsmót skákfélaga