Hin 13 ára Alice Lee teflir við fyrrum heimsmeistara kvenna, Önnu Ushenina.

HM kvennalandsliða fer þessa dagana fram í borginni Bydgoszcz í Póllandi. Tólf þjóðir tóku þátt og er að mestu valið út fyrr lokastöðunni á síðasta ólympíuskákmóti. Efstu liðin og svo eitt frá hverri heimálfu.  Tefld er atskák (45+10) og tvær skákir tefldar á dag.

Flest liðin stilla upp sterkum liðum þótt stundum vanti þær allri sterkustu.  Margir áhugaverðir keppendur. Má benda á að fyrsta borði Bandaríkjanna teflir Alice Lee, sem er aðeins 13 ára. Sérstaklega má svo benda á lið Kasakstan en það skipa eingöngu kornungar stúlkur, fæddar 2002-07, sem geisla af sjálfstrausti.

Skipt var í tvo jafna sex liða riðla og fjögur efstu liðin ú hvorum riðli komust áfram í átta liða úrslit.  Lokastaðan í riðlunum tveimur varð.

A-riðill

  1. Kasakstan 9 stig (af 10 mögulegum)
  2. Georgía 7 stig
  3. Frakkland 5 stig
  4. Úkraína 5 stig
  5. Indland 4 stig
  6. Egyptaland 0 stig

Nánar á Chess-Manager

B-riðill

  1. Bandaríkin 7 stig
  2. Pólland 7 stig
  3. Kína 6 stig
  4. Þýskaland 4 stig
  5. Búlgaría 4 stig
  6. FIDE Ameríka (blandað ameríkulið) 2 stig

Nánar á Chess-Manager

Stóru tíðindi voru óneitanlega þau að Indland sat eftir. Í lokaumferðinni mættust Frakkland og Úkraína. Jafntefli myndu duga báðum liðum en annars hefði Indland komist áfram vegna fleiri vinninga. Viðureigninni lauk 2-2 í eftir afar skrautlega baráttu. Báðir aðilar sáttir en Indverjar minna sáttir.

Átta liða úrslit hófstu svo í gær. Margt virðist benda til þess að a-riðilinn hafi verið sterkari en svo fór að þrjú lið úr honum komust áfram. Tefld er tvöföld umferð.  Verði jafnt á stigum er svo teflt til þrautar í hraðskák. Bráðabani er tefldur þótt að annað liðið vinni 4-0 og hitt liðið 2½-1½. Eingöngu horft á stig ekki vinninga.  Engin viðureign fór í bráðabana í gær.

Úrslit urðu

  • Frakkland-Pólland (3-1) (2½-1½)
  • Georgía – Kína (2½-1½) (2-2)
  • Bandaríkin – Úkraína (2½-1½) (2½-1½)
  • Kasakstan – Þýskaland (2-2) (3-1)

Nánar má lesa um gang mála í gær í grein David Llada á heimasíðu FIDE.

Í dag hefjast svo undanúrslit. Þar mætast

  • Frakkland-Kasakstan
  • Bandaríkin-Georgía

Umferðir hefjast kl. 13 og 16 er rétt að hvetja íslenska skákáhugamenn að fylgjast með. Lýsingar frá mótinu eru góðar og eru í umsjón króatíska stórmeistarans Alojzije Janković and georgíska kvennastórmeistarans Keti Tsatsalashvili

Ritstjórn ætlar að gera svo djörf að spá Kasakstan sigri í mótinu.

- Auglýsing -

TENGDAR GREINARFLEIRI FRÉTTIR