Atskákmót til minningar um Bedda á Glófaxa

    0
    129
    Til vinstri, Arnar Sigurmundsson og tefla við Bergvin Oddsson - Beddi á Glófaxta í skákkeppni í Eyjum 2003. Við hlið Arnars er Viktor Stefán Pálsson á móti honum er Einar Sigurðsson.
    Hvenær:
    11. maí, 2019 @ 12:00 – 19:00
    2019-05-11T12:00:00+00:00
    2019-05-11T19:00:00+00:00
    Hvar:
    Vestmannaeyjar
    Verð:
    Ókeypis
    Atskákmót til minningar um Bedda á Glófaxa @ Vestmannaeyjar

    Taflfélag Vestmannaeyja hefur ákveðið að halda atskákmót laugardaginn 11. maí 2019  til minningar um Bergvin Oddsson – Bedda á Glófaxa – skipstjóra og útvegsmann í Vestmannaeyjum ,í samstarfi við fjölskyldu hans.  Bergvin féll frá 22. sept. sl.  75 ára að aldri.  Bergvin  tók virkan þátt í starfsemi TV fljótlega eftir að fjölskylda hans flutti til Eyja árið 1964 og var mjög liðtækur skákmaður og tók þátt í mörgun skákmótum hjá félaginu. Eftir að hann fór í útgerð á Glófaxa  Ve. nokkru eftir eldgosið á Heimaey  1973 dró nokkuð úr þáttöku hans. En Beddi leiddi  ma. í  mörg ár skáksveit sjómanna í keppni þeirra  við landmenn á Sjómannadaginn. Bergvin var til margra áratuga einn af öflugustu bakhjörlum Taflfélags Vestmannaeyja.

    Bergvini og minningu hans til heiðurs varð að ráði að efna til sérstaks skákmóts í samstarfi við fjölskyldu hans og til styrktar skáklifinu í Eyjum,  laugardaginn   11. maí 2019,  gamla lokadaginn.   

    Minningarmótið  hefst kl. 12.00 á hádegi   og verða tefldar  8 umferðir eftir hinu vinsæla  atskákformi,   15. mín. á skák og + 5 sek á leik.   Eftir fjórar umferðir verður tekið  kaffihlé og síðan taka við aðrar fjórar umferðir.  Reiknað er með að mótinu ljúki um kl. 19.00 um kvöldið,  úrslit kynnt og veitt vegleg verðlaun.  Fyrstu verðlaun verða 200 þús. kr., 2. verðlaun  125 þús. kr. og 3ju verðlaun 75 þús. kr. Gunnar Björnsson forseti Skáksambands Íslands  verður mótsstjóri. Ekkert mótsgjald og allir velkomnir.

    Herjólfur mun sigla sjö ferðir á dag milli lands og Eyja þegar mótið fer fram.  Fyrir þá sem ætla að dvela daginn í Eyjum er hægt að fara kl. 10.45  í 35 mín. siglinu frá Landeyjahöfn til Eyja (mæting 30 mín. fyrir brottför)  og frá Eyjum að loknu móti kl. 22.00 um kvöldið.   Einnig er fer skipið frá Landeyjahöfn kl. 08.15 um morguninn og kl. 19.30 frá Eyjum um kvöldið auk  fleiri ferða þegar mótið er í gangi.  Fyrir þá sem ætla að dvelja lengur er nægt gistirými  og margt að skoða í Eyjum – þar sem vorið kemur fyrst.

    Skráning á  Beddamótið er á skák.is

    - Auglýsing -