Laugavegur 18
101 Reykjavík
Ísland
Íslandsmót framhaldsskóla í skák fer fram laugardaginn 6. apríl 2024. Mótið fer fram á hinum vinsæla vettvangi, Máli og menningu, við Laugaveg. Mótshaldari er Skákskóli Íslands, sem hefur fengið til liðs við sig valinkunna og þrautreynda aðila.
Mótið hefst kl. 13:00 og er mæting eigi síðar en kl. 12:45.
Í hverri skáksveit tefla fjórir einstaklingar. Hver sveit getur valið að hafa einn varamann. Hver framhaldsskóli getur tilkynnt til keppni eins margar skáksveitir og hann kýs og skal þeim þá raðað eftir styrkleika í A, B og C sveit o.s.frv.
- Allar sveitirnar mætast innbyrðis en ef þær verða fleiri en 10 verða tefldar 7 umferðir eftir svissneska kerfinu (Swiss Perfect).
- Mótið fer fram með fyrirkomulagi atskáka og tímamörk verða 10 05 (10 mínútur á mann og 5 sekúndur bætast við klukkuna eftir hvern leik).
Skráningarform:
Skráningarfrestur er til hádegis föstudaginn 5. apríl.
Í mótsnefnd eru Helgi Ólafsson, Stefán Bergsson og Ingvar Þór Jóhannesson. Fyrirspurnir má senda á: stebbibergs@gmail.com og helol@simnet.is.
Mótsnefnd áskilur sér rétt til breytinga á boðaðri dagskrá ef brýn þörf krefur.
