4433+J7V
201 Kópavogur
Ísland
Skákþing Kópavogs fer fram í stúkunni við Kópavogsvöll helgina 24.-26. nóvember. Tefldar verða 7 umferðir (3 atskákir og 4 kappskákir) eftir svissneska kerfinu.
Dagskrá
Föstudagur 24. nóvember klukkan 17:30 – 21:00
1-3. umferð. Atskákir með tímamörkum 20+5
Laugardagur 25. nóvember klukkan 11:00
4. umferð, kappskák með tímamörkunum 90+30 og 15min viðbót eftir 40 leiki.
Laugardagurinn 25. nóvember klukkan 17:00
5. umferð, kappskák með tímamörkunum 90+30 og 15min viðbót eftir 40 leiki.
Sunnudagurinn 26. nóvember klukkan 11:00
6. umferð, kappskák með tímamörkunum 90+30 og 15min viðbót eftir 40 leiki.
Sunnudagurinn 26. nóvember klukkan 17:00
7 umferð, kappskák með tímamörkunum 90+30 og 15min viðbót eftir 40 leiki.
Ein hjáseta leyfð í 1-5 umferð (aðrar hjásetur eru án hálfs vinnings).
Ef keppandi mætir 30 mínútum eða meira eftir upphaf kappskáka þá tapast skákin.
Verðlaun verða eftirfarandi:
Aðalverðlaun
- 82.000 kr
- 55.000 kr.
- 28.000 kr.
Unglingaverðlaun (16 ára og yngri)
- 17.500 kr
Aukaverðlaun:
Aukaverðlaun verða þannig að frá og með 11. skákmanni miðað við upphafsröð í mótinu (starting rank) verður skákmönnum, þaðan og niður, skipt í jafnstórar stigagrúbbur.
Sem dæmi: Taki 40 manns þátt í mótinu þá væri þetta svona:
- Efstu 10 keppa ekki um aukaverðlaun, heldur aðalverðlaun.
- Keppendur númer 11.-20.í upphafsröð keppa um aukaverðlaun A.
- Keppendur númer 21.-30. í upphafsröð keppa um aukaverðlaun B.
- Keppendur númer 31.-40 í upphafsröð keppa um aukaverðlaun C.
Sá sem endar mótið efstur í A grúbbu vinnur því aukaverðlaun A, og svo framvegis.
Aukverðlaun í öllum flokkunum eru 17.000 kr.
Þátttökugjöld:
Félagsmenn Skákdeildar Breiðabliks eldri en 25ára: 2.000 kr
Iðkendur í Skákdeild Breiðabliks U25: frítt fyrir iðkendur Skákdeildar Breiðablik sem eru 25 ára og yngri.
Frítt er fyrir alþjóðlega- og stórmeistara
Unglingar 16 ára og yngri 2.000 kr
Fullorðnir 4.000 kr.
Keppt er um titlana Skákmeistari Kópavogs 2023 og Unglingameistari Kópavogs 2023 (16ára og yngri). Og hlýtur sá keppandi sem verður efstur (farið eftir oddastigum ef jafnt) þeirra sem eiga lögheimili í Kópavogi eða eru félagsmenn í Skákdeild Breiðabliks titlana og farandbikara til varðveislu í eitt ár.
Núverandi Skákmeistari Kópavogs er Vignir Vatnar Stefánsson. Efstur Kópavogsbúa undir 16 ára á síðasta ári varð Benedikt Briem.
