Barna- og unglingameistaramót Reykjavíkur

    0
    166
    Hvenær:
    23. febrúar, 2020 @ 13:00 – 17:30
    2020-02-23T13:00:00+00:00
    2020-02-23T17:30:00+00:00
    Hvar:
    Taflfélag Reykjavíkur
    Faxafen 12
    108 Reykjavík
    Ísland
    Gjald:
    Ókeypis
    Tengiliður:
    Þórir Benediktsson
    Barna- og unglingameistaramót Reykjavíkur @ Taflfélag Reykjavíkur | Reykjavík | Ísland

    Barna- og unglingameistaramót Reykjavíkur, sem jafnframt er Stúlknameistaramót Reykjavíkur, fer fram sunnudaginn 23. febrúar í skákhöll T.R. að Faxafeni 12. Taflið hefst kl.13 og stendur til kl.17. Tefldar verða 7 umferðir eftir svissnesku kerfi með umhugsunartímanum 10 mínútur á skák, auk þess sem 5 sekúndur bætast við eftir hvern leik (10m+5s). Þátttaka er ókeypis. Mótið verður reiknað til alþjóðlegra atskákstiga.

    Mótið er opið öllum börnum og unglingum, óháð taflfélagi eða búsetu, sem eru fædd árið 2004 eða síðar. Teflt verður í tveimur flokkum: opnum flokki og stúlknaflokki.

    Verðlaun verða veitt fyrir þrjú efstu sætin í mótinu. Til viðbótar verða veitt verðlaun fyrir efsta sætið í öllum árgöngum í báðum flokkum (opna flokknum og stúlknaflokknum), elsti árgangurinn er 2004 og yngsti árgangurinn er 2014 og yngri. Nafnbótina Unglingameistari Reykjavíkur 2020 hlýtur sá keppandi sem verður hlutskarpastur þeirra sem hafa lögheimili í Reykjavík eða eru meðlimir í reykvísku taflfélagi.  Nafnbótina Stúlknameistari Reykjavíkur 2020 hlýtur sú stúlka sem verður hlutskörpust þeirra stúlkna sem hafa lögheimili í Reykjavík eða eru meðlimir í reykvísku taflfélagi.

    Núverandi Reykjavíkurmeistarar eru Kristján Dagur Jónsson og Anna Katarina Thoroddsen. Nánari upplýsingar um mótið í fyrra má finna hér.

    Skráðir keppendur

    - Auglýsing -