Segja má að veislan hafi hafist í alvöru þegar um 300 skákmenn fá aldrinum 5-89 ára settust að tafli á Íslandsmóti skákfélaga í gær. Þorsteinn Magnússon lét ekki þetta tækifæri fram hjá sér fara og mætti á skákstað.
Víkingaklúbburinn trjónir á toppnum með 4 stig í Kvikudeild Íslandsmóts skákfélaga eftir 5-3 sigur á Taflfélagi Reykjavíkur í gær þegar önnur umferð fór fram. Taflfélag Garðabæjar og Skákdeild KR koma næst með 3 stig. Garðbæingar unnu Fjölnismenn en KR-ingar lögðu Blika að velli. KR-ingar hafa komið mjög óvart með góðri frammistöðu.
Úrslit gærdagsins má finna á Chess-Results.
Aðrar deildir en Kvikudeildin hófust í gær með 1. umferð.
- deild
Taflfélag Vestmannaeyja, Skákfélag Akureyrar og b-sveitir Taflfélags Reykjavíkur og Breiðabliks unnu sínar viðureignir í 1. umferð.
2. deild
Vinaskákfélagið, Skáksamband Austurlands, c-sveit Taflfélags Garðabæjar og b-sveit Víkingaklúbbsins unnu í sínar viðureignir í 1. umferð
3. deild
B-sveit Skákdeildar KR, Skákfélags Sauðárkróks, c-sveit Breiðabliks og d-sveit Taflfélag Garðabæjar unnu í 1. umferð.
4. deild
Þar tefla 16 sveitir 7 umferðir eftir svissneska kerfinu
Skákfélagið Goðinn er í forystu eftir fyrstu umferð, f-sveit Taflfélags Reykjavíkur í öðru sæti og c-sveit Víkingaklúbbins í því þriðja.Nánar á Chess-Results.
