Taflfélag Garðabæjar vann sigur á Víkingaklúbbnum í fimmtu umferð Kvikudeildarinnar sem fram fór í dag. Liðin eru jöfn á toppnum, í hálfleik, með 8 stig og það stefnir í æsispennandi toppbaráttu í síðari hlutanum. Taflfélag Reykjavíkur er í þriðja sæti eftir að hafa lagt Skákdeild KR örugglega að velli. Botnbaráttan einnig galopnaðist þegar Skákdeild Breiðabliks vann Skákdeild Fjölnis. Þar vann Hilmir Freyr Heimisson Héðin Steingrímsson í magnaðri fórnarskák á fyrsta borði.
Úrslit dagsins má finna á Chess-Results.
Staðan eftir fyrri hlutann
- Víkingaklúbburinn 8 stig (26½ v.)
- Taflfélag Garðabæjar 8 stig (25½ v.)
- Taflfélag Reykjavíkur 6 stig
- Skákdeild KR 4 stig
- Skákdeild Fjölnis 2 stig (15 v.)
- Skákdeild Breiðabliks 2 stig (13½ v.)
Sex lið tefla í Kvikudeildinni og tefla þar tvöfalda umferð. Síðustu fimm umferðirnar fara fram í mars.
1. deild
Skákfélag Akureyrar og Taflfélag Vestmanneyja hafa bæði fullt hús stiga. Það stefnir í einvígi þessara félaga um sæti í Kvikudeildinni að ári. B-sveit Breiðabliks er í þriðja sæti með 6 stig.
2. deild
B-sveit Víkingaklúbbsins er efst með fullt hús stiga. Skáksamband Austurlands er í öðru sæti með 6 stig. Vinaskákfélagið og c-sveit Taflfélag Garðabæjar eru í 3.-4. sæti með 5 stig.
3. deild
B-sveit Skákdeildar KR er á toppnum með 8 stig. Skákfélag Sauðárkróks og c-sveit Breiðabliks eru í 2.-3. sæti með 6 stig.
4. deild
Þar tefla 16 sveitir 7 umferðir eftir svissneska kerfinu
C-sveit Skákdeildar KR er á toppnum með fullt hús stiga. C-sveit Víkingaklúbbins er í öðru sæti með 7 stig. Dímon er í þriðja sæti með 6 stig.
