Eftirfarandi upplýsingapóstur var sendur til aðildarfélaga SÍ í gær.
—-
Til aðildarfélaga SÍ.
Stjórn SÍ hittist á stjórnarfundi í síðustu viku. Jafnframt var stjórnarfundur Skáksambands Evrópu haldinn um helgina.
Fundagerðina og aðrar fundargerðir SÍ má finna hér: https://www.dropbox.com/sh/nj6x6jabzvzj7zo/AACvy_kJRs69Ki6MRf_-gV8Da?dl=0
Helstu tíðindi
EM einstaklinga – Reykjavíkurskákmótið
Mótinu verður frestað fram í ágúst/september. Þar sem er um að ræða Evrópumót sem gefur sæti á Heimsbikarmót er ekki í boði að bíða og vona. Mótið verður sett á dagskrá í ágúst/september.
Íslandsbikarinn – undankeppni um sæti á Heimsbikarmótinu!
Fer fram 6.-14. mars nk. Þátt taka átta skákmenn og tefla eftir útsláttarfyrirkomulagi. Mótinu verður gerð góð skil á skak.is og á skákvarpinu. Nánari upplýsingar um mótið og keppendur má finna hér:
https://skak.is/2021/02/19/islandsbikarinn-undankeppni-um-saeti-a-heimsbikarmotinu-i-skak/
Skákþing Íslands og Íslandsmót kvenna
Landsliðsflokkur Skákþings Íslands og Íslandsmót kvenna fara fram í byrjun apríl nk. í Kópavogi.
Búið er að bjóða tólf keppendum þátt í landsliðsflokki og öllum skákkonum með 1600 eða fleiri á Íslandsmót kvenna.
Heimasíða mótsins væntanleg.
Skákbúðir
Fyrst og fremst þeim ætlaðar sem misstu tækifæri á að fara í mót erlendis vegna Covid verða haldnar 12.-14. Búið er að senda boðsbréf. Styrkt af menntamálaráðuneytinu.
Íslandsmót skákfélaga 2019-21
Stjórn SÍ stefnir sem fyrr á að halda síðari hlutann í maí nk.
Nú hefur ECU gefið út að EM einstaklinga í blendingsskák (Hybrid chess) fari fram 22.-30. maí. Sjá nánar um það mót hér: https://www.europechess.org/communique-of-the-2nd-ecu-board-meeting-in-2021-cl-no3-2021/
Íslandsmót skákfélaga getur ekki farið fram sömu daga. Þar með hefur valkostunum fyrir líklega helgi í maí fækkað. Helgarnar sem í boði eru 30. apríl – 2. maí, 7.-9. maí og 14.-16. maí. Ákvörðun um helgi undir síðari hlutann verður tekin fljótlega.
Evrópukeppni taflfélaga í netskák
Íslenskum skákfélögum er bent á EM taflfélaga í netskák sem fram fer 27. mars-31. mars.
Tilvalið fyrir íslensk skákfélög að taka þátt!
Nánari upplýsingar um mótið hér: https://www.europechess.org/european-online-chess-club-cup/
