Aðalfundur SÍ fór fram í dag, 21. maí 2022. Fundurinn tók um 4 klukkustundir. Stjórn SÍ var endurkjörin í heild sinni án mótframboðs. Um það bil 40 fulltrúar frá 14 félögum sátu fundinn.
Allar þrjár tillögur laganefndar voru samþykktar.
- Það þýðir að b-lið verða ekki heimil í úrvalsdeildinni.
- Íslandsmeistari kvenna hefur keppnisrétt í landsliðsflokki Skákþings Íslands.
- Lög um hvað gerist við slit Skáksambandsins voru einnig samþykkt en slíkt ákvæði er nauðsynlegt í lögum til að Skáksambandið geti verið á almannaheillaskrá.
Kristján Örn Elíasson dró sínar tillögur til baka á fundinum.
Nýjar siðareglur Skáksambandsins voru staðfestar af aðalfundinum.
Fundarstjóri var Helgi Áss Grétarsson og fundarritari var Þorsteinn Magnússon. Þeim eru færðar miklar þakkir fyrir góð störf.
