Húsnæði Skákskóla Íslands og kennsluaðstaða skólans er í Faxafeni 12 í Reykjavík.
Skólinn er einungis ætlaður ungmennum 20 ára og yngri.
Flokkaskipting
Æfingar á haustönn og vorönn fara fram í getuskiptum flokkum:
- Framhaldsflokkur 1: Fyrir nemendur með um 1400–1550 skákstig.
- Framhaldsflokkur 2: Fyrir nemendur með um 1550–1800 skákstig.
- Afreksflokkur: Fyrir nemendur með yfir 1800 skákstig.
Afreksleið
Skákskóli Íslands býður einnig upp á Afreksleið, sem er ætluð ungmennum 20 ára og yngri sem náð hafa afreks- eða heimsafreksmörkum Skáksambands Íslands í sínum aldursflokki. Sjá nánar í töflu Skáksambands Íslands, síðast uppfærðri 21. maí 2026.
Tafla sem sýnir afreksmörk Skáksambands Íslands
Nemendur í Afreksleið fá aðgang að sérhæfðum verkefnum sem taka mið af markmiðum þeirra og þörfum.
Meðal þess sem boðið er upp á eru:
- æfingaskákir gegn sterkum andstæðingum
- aðstoð við markmiðssetningu
- aðstoð við gerð æfingaáætlunar
- leiðsögn í sjálfstæðum vinnubrögðum
- aðgangur að æfingaaðstöðu og tækjakosti Skákskólans
- ráðgjöf við val á skákmótum
Einstaklingsmiðað nám og fjarkennsla
Skákskóli Íslands býður upp á einstaklingsmiðað og þrepaskipt námsefni fyrir þá sem hafa metnað til að ná langt í skák. Æfingar fara fram í húsnæði Skákskólans að Faxafeni 12 en æfingar eru einnig sendar út í fjarkennslu fyrir iðkendur á landsbyggðinni eða þá sem eiga ekki heimangengt. Nemendur hafa jafnframt aðgang að kennsluefni og heimaverkefnum í gegnum netið.
Lögð er áhersla á að nemendur tileinki sér sjálfstæð vinnubrögð og taki ábyrgð á eigin framförum.
Samstarf við sveitarfélög og taflfélög
Skákskólinn hefur samið við sveitarfélög og geta nemendur skólans nýtt sér frístundastyrki við greiðslur á námskeiðum.
Skákskóli Íslands leggur jafnframt mikla áherslu á gott samstarf við taflfélög um allt land. Skólinn tekur vel á móti iðkendum af landsbyggðinni í fjarkennslu og veitir taflfélögum ráðgjöf um uppbyggingu og skipulag skákæfinga.
Nánari upplýsingar veitir skólastjóri Skákskólans, bjorn@skaksamband.is
