Húsnæði Skákskólans og kennsluaðstaða er í Faxafeni 12 í Reykjavík.
Kennsla í flokkum skólans á haustönn hefst í september ár hvert og á vetrarönn í janúar.
Skákskóli Íslands býður upp á einstaklingsmiðað þrepaskipt námsefni sem ætlað er fyrir þá sem hafa mikinn metnað fyrir því að ná langt í skák. Æfingar fara fram í húsnæði Skákskólans Faxafeni 12 en nemendur hafa aðgang að kennsluefni í gegnum netið. Skólinn hvetur nemendur til sjálfstæðra vinnubragða.
Skákskólinn hefur samið við sveitarfélögin og geta nemendur skólans nýtt sér frístundastyrk við greiðslur á námskeiðum.
Skákskóli Íslands leggur mikla áherslu á gott samstarf skólans við taflfélög á landinu öllu og tekur vel á móti iðkendum af landsbyggðinni í fjarkennslu. Skákskólinn veitir taflfélögum ráðgjöf varðandi uppbyggingu á skákæfingum þeirra.
Meðal verkefna utan hefðbundinnar starfssemi má nefna:
- Unglingameistaramót Íslands í skák
- Þjálfun keppenda og hópa fyrir EM og HM ungmenna
- Þjálfun keppenda og hópa fyrir Norðurlandamót
- Ólympíumót ungmenna 16 ára og yngri
- Námsefnisgerð
Heimasíða Skákskóla Íslands er skak.is/skakskolinn
