![\"\"](\"https:\/\/i0.wp.com\/skak.is\/skakthing\/wp-content\/uploads\/sites\/11\/2011\/04\/Skakthing_Islands_2011_Hedinn_Henrik.png?ssl=1\")
<\/a>Lokaumfer\u00f0in var spennandi.\u00a0 \u00dea\u00f0 var lj\u00f3st a\u00f0 Henrik \u00e6tla\u00f0i s\u00e9r sigur og ekkert anna\u00f0 og t\u00f3k \u00e1h\u00e6ttu \u00ed sk\u00e1kinni sem hann hef\u00f0i annars sj\u00e1lfsagt ekki teki\u00f0.\u00a0 H\u00e9\u00f0inn l\u00e9t Henrik ekki sl\u00e1 sig \u00fat af laginu, tefldi af miklu \u00f6ryggi, og haf\u00f0i sigur.<\/p>\n\u00dear sem ekki var flogi\u00f0 \u00e1 P\u00e1skadag og s\u00ed\u00f0asta flug heim \u00ed g\u00e6r kl. 18 var \u00e1kve\u00f0i\u00f0 a\u00f0 byrja lokaumfer\u00f0ina kl. 9. \u00a0 Strax a\u00f0 lokinni umfer\u00f0 var bruna\u00f0 ni\u00f0ur \u00ed H\u00f3tel H\u00e9ra\u00f0 \u00fear sem b\u00e6jarstj\u00f3rnin h\u00e9lt okkur lokah\u00f3f, \u00fear sem okkur var bo\u00f0inn seinb\u00fainn br\u00f6ns. \u00a0\u00a0 Bj\u00f6rn Ingimarsson, b\u00e6jarstj\u00f3ri gaf \u00f6llum keppendum b\u00f3k um Ei\u00f0a og vona\u00f0ist til a\u00f0 sj\u00e1 okkur sem fyrst aftur fyrir austan.<\/p>\n
A\u00f0st\u00e6\u00f0ur \u00e1 Ei\u00f0um voru g\u00f3\u00f0ar.\u00a0 Salurinn er gamall og \u00fea\u00f0 braka\u00f0i \u00ed g\u00f3lfum en austanmenn t\u00f3ku \u00e1 \u00fev\u00ed me\u00f0 \u00fev\u00ed a\u00f0 flytja tepparenning af 2. h\u00e6\u00f0 ni\u00f0ur.\u00a0 Vel r\u00famt var \u00ed sk\u00e1ksalnum, h\u00e1tt til lofts og gott loft ger\u00f0u h\u00e1t\u00ed\u00f0arsalinn a\u00f0 fyrirmyndar sk\u00e1ksal.<\/p>\n
Bragi var\u00f0 annar me\u00f0 6\u00bd vinning og gr\u00e1tlega n\u00e6rri \u00e1fanga a\u00f0 st\u00f3rmeistaratitli.\u00a0 Bragi var einnig taplaus en ger\u00f0i 5 jafntefli og a\u00f0eins vanta\u00f0i h\u00e1lfan vinning \u00ed \u00e1fangann. \u00a0 Bragi h\u00e6kkar um 16 stig.\u00a0 Fr\u00edskleg og \u00f6rugg taflmennska hj\u00e1 Braga.\u00a0 Bragi komst verulegan \u00ed krappann gegn G\u00edslasyni \u00ed n\u00e6sts\u00ed\u00f0ustu umfer\u00f0 en lenti annars aldrei \u00ed taph\u00e6ttu.<\/p>\n Stef\u00e1n Kristj\u00e1nsson og \u00der\u00f6stur \u00de\u00f3rhallsson ur\u00f0u \u00ed 4.-5. s\u00e6ti. \u00a0 \u00der\u00f6stur h\u00e6kkar um 10 stig en Stef\u00e1n l\u00e6kkar um 3 stig.\u00a0\u00a0 B\u00e1\u00f0ir tefldu \u00feeir \u00e1 k\u00f6flum vel og taflmennska beggja batna\u00f0i \u00feegar \u00e1 m\u00f3ti\u00f0 lei\u00f0.\u00a0 M\u00e9r fannst taflmennska Stef\u00e1ns t.d. gegn H\u00e9\u00f0ni \u00e1kaflega merkileg og skiptamunnsf\u00f3rnin \u00ed \u00feeirri sk\u00e1k \u00e1kaflega menntu\u00f0. \u00a0 \u00der\u00f6stur \u00e1tti a\u00f0 m\u00ednu mati sk\u00e1k m\u00f3tsins gegn Gu\u00f0mundi Kjartanssyni.<\/p>\n<\/a>Austanmenn f\u00e1 s\u00e9rstakar \u00feakkir fyrir fr\u00e1b\u00e6ra frammist\u00f6\u00f0u.\u00a0 \u00deeir Magn\u00fas Ing\u00f3lfsson, Magn\u00fas Valgeirsson, J\u00f3n Bj\u00f6rnsson, R\u00fanar Hilmarsson og Gu\u00f0mundur Ingvi J\u00f3hannsson voru \u00e1kaflega hj\u00e1lpf\u00fasir vi\u00f0 okkur gestina \u00e1 allan h\u00e1tt.\u00a0 Hvort sem var um a\u00f0 r\u00e6\u00f0a akstur, a\u00f0sto\u00f0 vi\u00f0 nettengingar, matarger\u00f0 og alls konar reddingar, voru \u00feeir \u00e1vallt bo\u00f0nir og b\u00fanir.\u00a0 R\u00fanar, sem er mennta\u00f0ur kj\u00f6ti\u00f0narma\u00f0ur a\u00f0sto\u00f0a\u00f0i R\u00f3bert vi\u00f0 lambal\u00e6ri\u00f0 sem S\u00cd bau\u00f0 upp fyrir lokaumfer\u00f0ina. \u00a0 A\u00f0 \u00f6\u00f0rum \u00f3l\u00f6stu\u00f0um vil \u00e9g \u00fe\u00f3 s\u00e9rstaklega \u00feakka Gu\u00f0mundi fyrir alla hans a\u00f0sto\u00f0 og \u00fe\u00e1 au\u00f0s\u00fdndu \u00feolinm\u00e6li sesm hann s\u00fdndu okkur sunnanm\u00f6nnum.\u00a0 \u00c1 myndina vantar Magn\u00fas Ing\u00f3lfsson sem \u00e1tti ekki heimangengt \u00e1 lokah\u00f3fi\u00f0.<\/p>\n<\/a>H\u00e9\u00f0inn f\u00e9kk 7\u00bd vinning \u00ed 9 sk\u00e1kum.\u00a0 \u00c1rangur hans samsvarar 2639 sk\u00e1kstigum og h\u00e6kkar hann hann um 9 stig og styrkir \u00fear me\u00f0 st\u00f6\u00f0u s\u00edna sem n\u00e6ststigah\u00e6sti sk\u00e1kma\u00f0ur landsins \u00e1 eftir J\u00f3hanni Hjartarsyni \u00e1 ma\u00ed-listanum.\u00a0 H\u00e9\u00f0inn var taplaus \u00e1 m\u00f3tinu og var \u00ed raun og veru held \u00e9g aldrei \u00ed taph\u00e6ttu. \u00a0 Flestir sigrar hans voru \u00f6ruggir og fremur \u00e1takalausir. \u00a0 M\u00e1 \u00fear nefna sk\u00e1kina gegn R\u00f3berti \u00fear sem H\u00e9\u00f0inn f\u00f3rna\u00f0i skiptamun og vann sk\u00e1kina \u00ed a\u00f0eins 9 leikjum eftir \u00fea\u00f0.\u00a0\u00a0 \u00dea\u00f0 var kannski helst \u00e1 m\u00f3ti Stef\u00e1ni \u00fear sem hann haf\u00f0i \u00e1 k\u00f6flum \u00f3\u00fe\u00e6gilega st\u00f6\u00f0u \u00fe\u00f3tt hann v\u00e6ri skiptamun yfir og sta\u00f0an \u00e1vallt betri \u00e1 hann samkv\u00e6mt t\u00f6lvuforritum sem vanm\u00e1ttu bers\u00fdnilega st\u00f6\u00f0u Stef\u00e1ns.\u00a0 Sanngjarn sigur H\u00e9\u00f0ins \u00e1 m\u00f3tinu en hann tefldi \u00e1n efa best allra \u00e1 m\u00f3tinu.<\/p>\n<\/a>Henrik Danielsen var\u00f0 \u00feri\u00f0ji me\u00f0 6 vinninga var alltan t\u00edmann \u00ed toppbar\u00e1ttunni.\u00a0 Henrik er mikill vinnuhestur og l\u00e9t s\u00e9r ekki duga a\u00f0 tefla heldur sendi reglulega pistla \u00e1 Chessdom \u00e1 me\u00f0an m\u00f3tinu st\u00f3\u00f0.\u00a0 Henrik kom beint \u00e1 Reykjav\u00edkurflugv\u00f6ll af Keflav\u00edkurflugvelli \u00fear sem hann var a\u00f0 tefla erlendis og f\u00f3r \u00fat \u00ed morgun \u00e1 al\u00fej\u00f3\u00f0legt m\u00f3t \u00ed Lubeck \u00ed \u00de\u00fdskalandi. \u00a0 Henrik tapar fj\u00f3rum stigum fyrir frammist\u00f6\u00f0u s\u00edna.<\/p>\n