Skákskóli Íslands stendur áhugasömum opinn frá kl. 16:00-18:30 þriðjudaginn 3. júní næstkomandi.
Þar gefst ungmennum, foreldrum og öðrum áhugasömum, kostur á því að kynna sér starfsemi skólans.
Nýtt kennsluefni verður til sýnis og gefst áhugasömum kostur á því að spreyta sig á snúnum viðfangsefnum sem nemendur skólans hafa lagt stund á.
Stigahæsti skákmaður Íslands, stórmeistarinn Vignir Vatnar Stefánsson, teflir fjöltefli við gesti og gangandi.
Heitt á könnunni og allir velkomnir!
