Línur hafa heldur skýrst á Íslandsmóti skákfélaga. Svo virðist sem baráttan um Íslandsmeistaratitilinn verði á milli Víkingaklúbbins og Taflfélags Garðabæjar. Víkingar lögðu Taflfélag Reykjavíkur 5-3 að velli á meðan Garðbæingar höfðu sigur á Skákdeild Fjölnis, 6½-1½ og minnkuðu því forystuna Víkinga. Liðin hafa jafn mörg stig og aðeins munar 1 vinningi.
Skákdeild KR náði að fjarlægast botnbaráttuna með jafntefli gegn Skákdeild Breiðabliks.
Staðan
- Víkingaklúbburinn 12 stig (38½ v.)
- Taflfélag Garðabæjar 12 stig (37½ v.)
- Taflfélag Reykjavíkur 8 stig (31½ v.)
- Skákdeild KR 5 stig (24 v.)
- Skákdeild Breiðabliks 3 stig (19 v.)
- Skákdeild Fjölnis 2 stig (17½ v.)
Áttunda umferð Kvikudeildarinnar fer fram á morgun. Þá mætist stórveldin TG og TR. Sigur styrkir Garðabæinga mjög í toppbaráttunni. Víkingaklúbburinn teflir við Breiðablik og verða að teljast líklegir sigurvegarar.
KR og Fjölnir etja saman kappi og með sigri tryggir KR sér áframverandi veru í Kvikudeildinni. Fjölnir myndi mjög bæta stöðu sína í fallbaráttunni með því að leggja Vesturbæinga að velli.
- Taflfélag Garðabæjar – Taflfélag Reykjavíkur
- Víkingaklúbburinn – Skákdeild Breiðabliks
- Skákdeild KR – Skákdeild Fjölnis
Þess má geta að í lokaumferðinni á sunnudaginn mætast Víkingar og TG sem og Fjölnir og Breiðablik en báðar viðureignir gætu verið hreinar úrslitaviðureignir um topp- og botnsætið.
Á morgun hefst taflmennska í öðrum deildum.
Umferðir á morgun fara fram kl. 11 og 17.
- deild
Skákfélag Akureyrar og Taflfélag Vestmannaeyja berjast um toppsætið og keppnisrétt í Kvikudeildinni
2. deild
B-sveit Víkingaklúbbsins er á toppnum.
3. deild
Skákdeild KR hefur fullt hús stiga.
4. deild
C-sveit KR er einnig á toppnum
