Fjórða bikarsyrpa stúlkna fór fram í blíðaskaparveðri sunnudaginn 15. júní á Hótel Blönduósi. Mótið vakti mikla athygli og voru aðstæður til tafls með besta móti — veðrið lék við keppendur, og stemmingin á meðal þátttakenda var létt og hvetjandi.
Mótið var hluti af bikarsyrpu stúlkna sem haldin hefur verið með það að markmiði að efla skákáhuga ungra stúlkna víðs vegar að af landinu. Mótið var vel skipulagt, og voru keppendur metnaðarfullir og sýndu mikla einbeitingu og keppnisskap.
Nánari úrslit og niðurstöður mótsins má finna á ChessManager-vefnum:
👉 https://www.chessmanager.com/tournaments/5983327367200768
Átta stúlkur gerðu sér för á Blönduós. Efstar með sex vinninga voru Miroslava Skibina og Emilía Embla B. Berglindardóttir. Í þriðja til fjórða sæti voru Harpa Hrafney Karlsdóttir og Katrín Ósk Tómasdóttir með 4,5 vinning.
Margar skemmtilegar og spennandi skákir sáust á borðunum og ljóst er að framtíð íslenskrar stúlknaskákar er björt. Skipuleggjendur vilja þakka öllum þátttakendum, foreldrum og stuðningsfólki fyrir þátttöku og góða samveru.
Kvennaskáknefnd SÍ vill þakka öllum sem studdu mótið kærlega fyrir stuðninginn. Mótin voru haldin í samvinnu við Skákdeild Fjölnis og KR, Skáksamband Íslands, Hörpu og Hótel Blönduós. Aðrir styrktaraðilar voru vignirvatnar.is, Skákskóli Íslands, Vesturbæjarís, Sambíó, Klifurhúsið, Skopp og BogS restaurant.
