Nú er sex umferðum af átti lokið í Armeníu, þar sem Vesturbæjarskóli tekur þátt í Evrópuundanrásum heimsmeistaramótsins í skólaskák. Mótið fer fram fer á hóteli upp í skíðabrekku í bænum Tsaghkadzor.
Gengið hefur verið upp og ofan, enda um ungt lið að ræða, líklega það yngsta í mótinu, en reynslan hefur verið frábær til þessa. Fyrsta daginn vantaði skólann 4. borðið vegna veikinda en það blessaðist allt saman frá degi tvö. Tefldar eru tvær langar atskákir á dag. Tímamörkin eru óvenjuleg, 45+10.
Eftir skákirnar sex er Vesturbæjarskóli í 22 sæti af 27 skólum með sjö vinninga. Tauras Nareika hefur staðið sig best og hefur unnið þrjár skákir. Dagur Sverrisson fær erfitt prógram á fyrsta borði en hefur oft sýnt góða spretti og vann í dag. Á 2. borði er Jón Fenrir Ragnarsson og á 4. borði er Helen Hekla Priet Eysteinsdóttir bæði með vinning.
Mótið er m.a styrkt af Freedom sem hinn nýkjörni forseti Fide, Timur Torlov, er á bakvið. Hér er hann á bakvið íslensku krakkana (utan Helenar, myndin er frá fyrsta degi).
Boðið hefur verið upp á fjölmarga hliðarviðburði meðan á mótinu stendur, m.a karaoke og hraðskákmót þjálfara.
Hægt er að fylgjast með mótinu á chess-results.
Skákirnar beint á lichess.
Í upphafsröð er Vesturbæjarskóli skráð nr. 26 af 27 skólum. Vesturbæjarskóli sendir eitt yngsta liðið til keppni í mótinu.
