Svo virðist sem línur hafi heldur skýrst á Íslandsmóti skákfélaga að lokinni sjöttu umferð úrvalsdeildar sem fram fór í kvöld. Baráttan um Íslandsmeistaratitilinn virðist vera á milli Taflfélags Garðabæjar og Taflfélags Reykjavíkur.
Bæði lið unnu sannfærandi, 5½-2½, sigra í kvöld. Garðbæingar unnu Breiðablik en TR lagði Akureyringa.
Úrslit kvöldsins
TG hefur 11 stig en TR hefur 9 stig. Veitt eru tvö stig fyrir sigur en eitt fyrir jafntefli. Víkingaklúbburinn vann svo 5-3 sigur á Skákdeild Fjölnis og lyfti sér úr botnbaráttunni. Tóku um leið Fjölni með sér í „miðjumoðið“.
Fjölnir hefur 6 stig og Víkingaklúbburinn hefur 5 stig. Hvorugt liðið virðist eiga möguleika á blanda sér í baráttuna um Íslandsmeistaratitilinn.
Mótstaflan
Sjöunda umferð fer fram á morgun (föstudagskvöld). Þá teflir TG við Fjölni og TR við Víkingaklúbbinn. TG og TR mætast í áttundu umferð á laugardaginn. Viðureign sem gæti ráðið úrslitum á mótinu.
Akureyringar sem hafa 1 stig mæta Breiðablik sem er næstneðst með 4 stig. Akureyringar þurfa nauðsynlega að vinna á morgun til að eiga minnstu möguleika á að bjarga sér frá falli.
Taflfmennska í 1.-4. deild hefst á laugardaginn.
- Heimasíða mótsins
- Chess-Results
- Skáklög Skáksambands Íslands (12. grein)
- Reglugerð um Íslandsmót skákfélaga
