Úrvalsdeild Íslandsmóts skákfélaga 2021-22 hefst í kvöld. Taflmennskan hefst kl. 19:30 í félagsheimili TR. Aðrar deildir en úrvalsdeild hefjast kl. 11 á laugardaginn í Fjölnihluta Egilshallar.
Spennan er mikil. Þrjú félög berjast um sigurinn á mótinu. Taflfélag Garðabæjar stendur best að vígi. Félagið er í forystu með 9 stig , Taflfélag Reykjavíkur í öðru sæti með 7 stig og Skákdeild Fjölnis í þriðja sæti með 6 stig.
Í fallbaráttunni eru hin 3 félögin. Skákdeild Breiðabliks með 4 stig, Víkingaklúbburinn með 3 stig og Skákfélag Akureyrar rekur lestina með 1 stig.
Í sjöttu umferð sem fram fer í kvöld mæta forystusauðirnir frá Garðabæ nágrönnum sínum úr Kópavogi, Breiðabliki, heimamenn í TR tefla við Akureyringa og Fjölnir mætir Íslandsmeisturum Víkingaklúbbsins.
Tvær fyrstu umferðirnar verða ekki í beinni en hægt verður að fylgjast með gangi mála á Chess-Results.
| Tímasetning | Úrvalsd. | Aðrar |
| Fimmtud., 3. mars, kl. 19:30 | 6. umf. (TR) | |
| Föstud., 4. mars kl. 19:30 | 7. umf. (TR) | |
| Laugard., 5. mars, kl. 11:00 | 8. umf. (Egilshöll) | 5. umf. (Egilshöll) |
| Laugard., 5. mars, kl. 17:00 | 9. umf. (Egilshöll) | 6. umf. (Egilshöll) |
| Sunnud., 6. mars, kl. 11:00 | 10. umf. (Egilshöll) | 7. umf. (Egilshöll) |
| Sunnud., 6. mars kl. 16:30 (eða fyrr) | Verðlaunaafh. (Egilshöll) | Verðlaunaafh. (Egilshöll) |
- Heimasíða mótsins
- Chess-Results
- Skáklög Skáksambands Íslands (12. grein)
- Reglugerð um Íslandsmót skákfélaga
