Skáksamband Evrópu (ECU) heldur Evrópumótið í netskák sem fram fer 16.-31. maí næstkomandi á Chess.com. A-flokkurinn, sem er fyrir skákmenn með 1000-1400 atskákstig hefst á laugardaginn, 16. maí, kl. 15. Skráning fer fram á vefsíðu ECU eða í gula kassanum hér á skak.is.
Skráningarfrestur er þar til tveim dögum fyrir upphaf hvers styrkleikaflokk. Skráningarfrestur er því til kl. 15, á morgun, 14. maí, fyrir fyrir A-flokkinn (1000-1400). Þátttökugjöld eru 5 evrur (um 800 kr.).
Allir skákmenn sem hafa íslenskt FIDE-ID hafa rétt á þátttöku. Þeir sem ekki hafa FIDE-ID en vilja engu að síður taka þátt geta sótt um slíkt í netfangið skaksamband@skaksamband.is og geta þá teflt í a-flokki (ELO 1000-1400). Gefa þarf upp fullt nafn og kennitölu. Eftirtaldir íslenskir skákmenn eru skráðir til leiks (nýlegar skráningar gæti vantað).
Mótið verður teflt í fimm mismunandi styrkleikaflokkum (miðað við atskákstig FIDE í apríl 2020). Hafi skákmenn ekki atskákstig verður notast við hrað- eða kappskákstig hafi þeir slíkt.
- a) 1000 – 1400 – 16. og 17. maí
- b) 1401 – 1700 – 19. og 20. maí
- c) 1701 – 2000 – 22. og 23. maí
- d) 2001 – 2300 – 25. og 26. maí
- e) 2300+ – 29.-31. maí
Eftir skráningu verða skákmennirnir meðlimir í ECU Online Central Club og viðeigandi styrkleikaflokki. Mæta þarf tímalega á Chess.com fyrir upphaf umferðar.
Teflt verður eftir svissneska kerfinu í öllum styrkleikaflokkum. Á degi 1 keppa allir sjö umferðir og a.m.k. 250 efstu komast í úrslitakeppni sem fram fer degi síðar. Þar eru tefldar átta umferðir. 100 efstu í úrslitakeppninni komast svo upp í næsta flokk.
Tímamörk í öllum flokkum eru 10+2.
Dagskráin
- 1000-1400 Undanrásir – laugardaginn, 16. maí, kl. 15
- 1000-1400 Úrslit – sunnudaginn, 17. maí kl. 15
- 1401-1700 Undanrásir – þriðjudaginn 19. maí kl. 16
- 1401-1700 Úrslit – miðvikudaginn, 20. maí kl. 16
- 1701-2000 Undanrásir – föstudaginn 22. maí kl. 16
- 1701-2000 Úrslit – laugardaginn, 23. maí kl. 15
- 2001-2300 Undanrásir – mánudaginn, 25. maí kl. 16
- 2001-2300 Úrslit – þriðjudaginn 26. maí kl. 16
- 2300+ Undanrásir – föstudaginn, 29. maí kl. 16
- 2300+ Undanrásir – laugardaginn, 30. maí kl. 15
- Úrslit 31. maí kl. 15 – sunnudaginn, 31. maí k. 15
Í flokki skákmanna með 2300 verða tefldar tvennar undanrásir. Í úrslitakeppnina komast þeir 12 sem flesta vinninga fá samtals ásamt fjórum boðsgestum.
Verðlaun
