EM ungmenna í skák hófst í dag í Prag. Íslensku fulltrúarnir á mótinu er 23 talsins, sem er metfjöldi. Alls telur íslenski hópurinn í kringum 60 manns enda eru á svæðinu bæði foreldrar, ömmur og afar og ýmsir aðrir áhugasamir fjölskyldumeðlimir. Gríðarlega stór og flottur hópur.
Teflt er í aldursflokkunum u8, u10, u12, u14, u16 og u18.
Fulltrúar Íslands á mótinu eru:
Þjálfarar íslenska hópsins eru Björn Ívar Karlsson, Daði Ómarsson og Ingvar Þór Jóhannesson. Gauti Páll Jónsson bætist í þjálfarahópinn síðar.
Mótið fer fram í þremur ráðstefnusölum á Top Hotel, í útjaðri borgarinnar. Íslenski hópurinn gistir miðsvæðis og fer því smá tími í ferðalög á milli staða sem ganga vel. Aðstæður á mótstað eru nokkuð góðar, loftkældir salir og nægt pláss. Það fer ágætlega um foreldrahópinn á meðan sem hefur úr ýmsu að velja til þess að stytta sér stundir.
1. umferð var töluverð áskorun fyrir flesta Íslendinganna en 21 keppandi af 23 var paraður upp fyrir sig á skákstigum. Uppskeran var ekki mikil en taflmennskan var góð heilt yfir og margt jákvætt hægt að taka úr umferðinni.
Birkir lagði stigahærri andstæðing að velli í vel útfærðri skák. Guðrún Fanney vann einnig en Jósef og Markús Orri Ó. gerðu báðir jafntefli við stigahærri andstæðinga.
Umferðir hefjast öllu jöfnu kl. 13:00 að íslenskum tíma. Sýnt er beint frá efstu borðum hvers aldursflokks.
Heimasíða mótsins
Chess-results
Beinar útsendingar
