Menningarfélagið Miðbæjarskák heldur nú sjötta árið í röð Skákmót Laugardalslaugar, sunnudaginn 6. júlí klukkan 13:00. Mótið hefur verið vel sótt undanfarin ár. Sigurvegarar fyrri ára og hlekkir á chess-results:
2020: Jón Viktor Gunnarsson
2021: Vignir Vatnar Stefánsson
2022: Davíð Kjartansson
2023: Andrey Prudnikov
2024: Magnús Pálmi Örnólfsson
Mótið verður haldið á bökkum laugarinnar og uppi á þaki fyrir utan gömlu útiklefana. Mótið er öllum opið. Taflið hefst stundvíslega klukkan 13, og tefldar verða sjö hraðskákir með tímamörkunum 4+3. Mótið verður reiknað til alþjóðlegra hraðskákstiga. Þátttökugjald er 1500 krónur (500kr. fyrir 17 ára og yngri) sem greiðist með reiðufé eða korti, hjá skákstjóra. Boðið verður upp á kaffi meðfram mótinu og fá þátttakendur frítt í sund eftir mótið. Þáttakendur mæti tímanlega í afgreiðslu þar sem starfsfólk laugarinnar vísar þeim stystu leið að mótsstað.
Veitt verða verðlaun í formi skipta í sund sem gilda í allar laugar Reykjavíkurborgar. 20 skipti í fyrstu verðlaun, 10 skipti í 2. verðlaun og 10. skipti í 3. verðlaun. Veitt verða verðlaun fyrir efsta ungmennið (grunnskólaaldur), gjafabréf í Pylsuvagninn Laugardal. Einnig verður einn heppinn keppandi dreginn og fær líka gjafabréf í Pylsuvagninn.
Miðbæjarskák þakkar Laugardalslaug kærlega fyrir gott samstarf undanfarin ár!
Skráningu lýkur sunnudagsmorguninn 6. júlí klukkan 10:00 – þetta er til að mótshaldarar viti hversu mörg skáksett, klukkur og borð þarf að að koma með. Vinsamlegast virðið þetta, ekki verður tekið við skráningum á staðnum.
