Alþjóðlegu meistararnir Dagur Ragnarsson og Hilmir Freyr Heimisson hafa nú lokið sex umferðum á SixDays Budapest mótinu sem eins og nafnið gefur til kynna er teflt á sex dögum. Í dag var einföld umferð en á morgun er aftur tvöföld umferð.
Báðir tefla þeir í GM flokki. Dagur er í GM-A flokknum og Hilmir í GM-C flokknum.
GM-A
Við skildum við þá félaga meðan þriðja umferð var í gangi. Þar mætti Dagur þýskum strák Robert Stein sem er FIDE meistari. Dagur hafði svart og varð undir í miðtaflinu.
Í seinni skák gærdagsins hélt Dagur jöfnu í erfiðu endatafli eftir Petroffs-vörn.
Skákin í dag með hvítu í sjöttu umferð fór svo í skrúfuna. Serbneski stórmeistarinn Popovic henti í mikla frumkvæðis-árás eftir að kóngsindverja staða hans blómstraði aðeins of hratt í miðtaflinu.
Slæmur kafli hjá Degi sem hefur 1,5 vinning af 6 en réttir vonandi úr kútnum í lokaumferðunum.
GM-C
Hrókur Hilmis varð strandaglópur á miðju borði í þriðju umferðinni gegn Indverjanum Vivaan og á endanum kostaði það skákina.
Í fjórðu umferð kom sigur, Hilmir fékk vænlegt tafl, lék því niður en var svo betri í endataflinu og vann.
Fimmta umferðin tapaðist gegn ungverskum stórmeistara. Ferðalag svarta riddarans til a3 virkaði líkelgast ekki eftirá að hyggja.
Sigur kom í dag í sjöttu umferð. Ágætis pósaskák með hvítu mönnunum.
Hilmir hefur 2 vinninga af 6 í sínum flokki.
Ballið heldur áfram á morgun eins og áður sagði með tvöfaldri umferð.
