Það var hart barist á öðrum keppnisdegi NM ungmenna í Danmörku.
A-flokkur
Benedikt Briem byrjaði daginn á vel útfærðri skák þar sem undirbúningurinn hitti í mark. Hann hélt pressunni lengi gegn sterkum andstæðingi sem brotnaði að lokum. Benedikt tapaði seinni skák dagsins en er enn í toppbaráttunni með 3 vinninga af 4 og í þriðja sæti.
Adam Omarsson hefur 1 vinning eftir jafntefli í seinni skák dagsins. Adam er í 10. sæti.
B-flokkur
Markús Orri Óskarsson hefur 2 vinninga í 10. sæti en Guðrún Fanney Briem 1,5 vinning í 12. sæti.
C-flokkur
Jósef Omarsson hefur 3 vinninga í þriðja sæti og Sigurður Páll Guðnýjarson kom sér á beinu brautina í dag og er með 2 vinninga í 10. sæti.
Jósef byrjaði daginn á góðri sigurskák sem er kennslubókardæmi um hvernig á að tefla gegn lélegum biskup.
Jósef er kominn í toppbaráttuna og mun tefla lykilviðureign í fyrramálið.
D-flokkur
Haukur Víðis Leósson hefur 2,5 vinning í 4. sæti og Birkir Hallmundarson 2 vinninga í 6. sæti.
Haukur komst á efsta borð í dag en tapaði þar gegn Zhang, Finnanum sterka.
Birkir tefldi góða skák í 4. umferð:
E-flokkur
Pétur Úlfar Ernisson hefur 2,5 vinning í 4. sæti og Dagur Sverrisson 2 vinninga í 6. sæti.
Dagur tefldi í rómantískum stíl í anda skákmanna frá 19. öld í morgun. Sjón er sögu ríkari!
Pétur er líka sókndjarfur og tefldi mjög spennandi skák í anda Mikhail Tal, þar sem mönnum var fórnað og andstæðingurinn fann ekki bestu vörnina.
Mótinu lýkur á morgun með tveimur síðustu umferðunum. Enn getur allt gerst í baráttunni um verðlaunasæti á mótinu og mikil spenna framundan.
Ísland á tíu fulltrúa á mótinu sem tefla í fimm aldursskiptum flokkum.
- Benedikt Briem
- Adam Omarsson
- Markús Orri Óskarsson
- Guðrún Fanney Briem
- Jósef Omarsson
- Sigurður Páll Guðnýjarson
- Haukur Víðis Leósson
- Birkir Hallmundarson
- Pétur Úlfar Ernisson
- Dagur Sverrisson
Þjálfari hópsins er Björn Ívar Karlsson.
Beinar útsendingar (kl. 9:10 og 15:10)
Keppendalisti og dagskrá














