Norðurlandamóti skólasveita í skák lauk í gær í Helsingborg í Svíþjóð.
Tveir íslenskir skólar tóku þátt í mótinu; Langholtsskóli í yngri flokki (1.-7. bekkur) og Lindaskóli í eldri flokki (8.-10. bekkur).
Lindaskóli átti góðan lokasprett á mótinu og lyfti sér upp í baráttu um verðlaun. Síðasta skák mótsins réði úrslitum um lokastöðuna en Birkir Hallmundarson á 1. borði landaði mikilvægu jafntefli sem tryggði skólanum bronsið.
Árangur einstakra liðsmanna:
- Birkir Hallmundarson 0,5 af 5.
- Örvar Hólm Brynjarsson 3,5
- Sigurður Páll Guðnýjarson 3,5
- Nökkvi Hólm Brynjarsson 2
Liðsstjóri var Björn Ívar Karlsson.
Sænski skólinn Berzeliusskolan varð Norðurlandameistari af miklu öryggi.
Í yngri flokki endaði Langholtsskóli í 4. sæti. Skólinn átti mjög góða spretti á mótinu, margar góðar sigurskákir, en skorti aðeins upp á reynsluna til þess að blanda sér í baráttu um verðlaun. Þátttakan á mótinu var mikilvæg reynsla fyrir unga liðsmenn upp á framtíðina.
Sigurskák Péturs Úlfars Ernissonar í lokaumferðinni vakti mikla athygli og gladdi sérstaklega liðsmenn danska skólans Giersings Realskole, en sigur Péturs tryggði þeim Norðurlandameistaratitilinn.
Árangur einstakra liðsmanna:
- Pétur Úlfar Ernisson 4 af 5
- Gunnar Þór Þórhallsson 0,5
- Jakob Steinn Valdimarsson 2
- Vilhelm Þór Have Hermansen 2
Liðsstjóri var Gauti Páll Jónsson.
