EM ungmenna: Glæsilegur sigur Guðrúnar Fanneyjar

Áttundu umferð Evrópumóts ungmenna lauk fyrr í dag.

Dagur og Guðrún Fanney unnu sínar skákir. Karma, Nökkvi Már, Eiður og Markús Orri gerðu jafntefli og Mikael Bjarki fékk vinning fyrir yfirsetu.

Dagur og Róbert Heiðar mættust innbyrðis og hafði Dagur sigur eftir talsverðar flækjur í miðtaflinu. Róbert missti af besta framhaldinu, lenti í slæmu tímahraki og Dagur nýtti sér það vel. Karma og Nökkvi Már gerðu innbyrðis jafntefli í skák sem hefði mátt vera lengri.
Eiður og Markús Orri stóðu báðir betur um tíma í sínum skákum en náðu ekki að nýta sín færi og þurftu að sætta sig við jafntefli.

Guðrún Fanney átti skák dagsins gegn hinni tékknesku Stara (2056). Upp kom Kan-afbrigði Sikileyjarvarnar, nokkuð óvænt reyndar, því mestur tími undirbúnings fór í aðrar leiðir. Svörtum voru mislagðar hendur í byrjuninni og lenti fljótlega þröngri og erfiðri stöðu. Guðrún jók pressuna smátt og smátt með sókn á báðum vængjum þar til eitthvað varð undan að láta. Skákinni lauk hún svo með smekklegri drottningarfórn!

1. e4 c5 2. Nf3 e6 3. d4 cxd4 4. Nxd4 a6 5. a3 Nf6 6. Nc3 Qc7 7. f4 d6 8. Be3 Be7 9. Bd3 Nbd7 10. g4 Nc5 11. g5 Nxd3+ 12. cxd3 Nd7 13. Rc1 Qa5 14. Qd2 h6 15. b4 Qd8 16. gxh6 gxh6 17. Rg1 Nf6 18. Na4 Nd7 19. Qg2 Nf8 20. Nf3 b5 21. Bb6 Bh4+ 22. Kd1 Qe7 23. Rc7 Bd7 24. Bd4 Bf6 25. Nb6 Rb8 26. e5 dxe5 27. fxe5 Qd8 28. Rxd7 Nxd7 29. Nxd7 Qxd7 30. Qg8+ Rxg8 31. Rxg8+ Ke7 32. Bc5+ 1-0

Lokaumferð mótsins hefst kl. 12:00 á íslenskum tíma á morgun. Guðrún Fanney stendur best að vígi í hópi Íslendinganna og verður í beinni útsendingu.

Chess-results
Heimasíða mótsins
Beinar útsendingar

Mótið stendur yfir dagana 3.-12. nóvember. Tefldar verða níu umferðir með tímamörkunum 90+30.

U18
Markús Orri Óskarsson
Mikael Bjarki Heiðarsson

U16 stúlknaflokkur
Guðrún Fanney Briem

U14
Birkir Hallmundarson

U14 stúlknaflokkur
Harpa Hrafney Karlsdóttir

U12
Haukur Víðis Leósson
Pétur Úlfar Ernisson
Karma Halldórsson
Nökkvi Már Valsson

U10
Dagur Sverrisson
Eiður Jökulsson
Róbert Heiðar Skúlason

U8
Helgi Fannar Óðinsson

Þjálfarar íslenska hópsins eru Björn Ívar Karlsson og Ingvar Þór Jóhannesson.

Dagskrá mótsins (á íslenskum tíma):

- Auglýsing -