Sjötta skák heimsmeistaraeinvígisins hefst kl. 12:30. Magnús stjórnar hvítu mönnunum. Mun hann beita 1. d4 eins og annarri einvígisskákinni, eða 1. e4 eins í fjórðu einvígisskákinni. Eða verður enski leikurinn, 1. c4 fyrir valinu. Verða loks hrein úrslit? Bent hefur verið á Carlsen hefur ekki unnið kappskák í heimsmeistaraeinvígi síðan Barack Obama var forseti Bandaríkjanna.
Útsendingar á heimasíðunni eru í umsjón Viswanathan Anand og Anna Muzychuk auk Maurice Ashley.
Vert er einnig að benda á beinar útsendingar á Chess24 sem eru í umsjón Judit Polgar, Anish Giri og Tania Sadchev.
Tengill á útsendingar á Chess24
Chess.com er að sjálfsögðu einnig með beinar útsendingar. Þar ráða ríkjum Fabiano Caruana, Hou Yifan, Robert Hess og Danny Rensch.
Tengill á útsendingar á Chess.com
Chess24 er einnig aðrar beinar útsendingar sem eru mjög aðgengilegar og eru í umsjón David Howell, Jovanka Houska og Kaja Snare.
Tengill á útsendingar Howell, Houska og Snare
Svo eru það Peter Svidler og Vladimir Kramnik sem eru í uppáhaldi hjá mörgum!
Sjálfsagt eru til fleiri möguleikar til að fylgjast með einvíginu. Ritstjóri hvetur þá sem hafa upplýsingar um áhugaverðar útsendingar að senda upplýsingar þar um.
