Sundlaugavegur 105
105 Reykjavík
Ísland
Menningarfélagið Miðbæjarskák heldur nú fimmta árið í röð Skákmót Laugardalslaugar. Mótið verður haldið laugardaginn 29. júní klukkan 13. Mótið hefur verið vel sótt undanfarin fjögur ár. Sigurvegarar fyrri ára:
2020: Jón Viktor Gunnarsson
2021: Vignir Vatnar Stefánsson
2022: Davíð Kjartansson
2023: Andrey Prudnikov
Mótið verður haldið á bökkum laugarinnar og uppi á þaki fyrir utan gömlu útiklefana. Þáttaka miðar við 40 manns í mesta lagi og lýkur skráningu náist sá fjöldi. Mótið er öllum opið. Taflið hefst stundvíslega klukkan 13, og tefldar verða 9. hraðskákir með tímamörkunum 3+2. Mótið verður reiknað til alþjóðlegra hraðskákstiga. Þátttökugjald er 1500 krónur (500kr. fyrir 17 ára og yngri) sem greiðist með reiðufé eða korti, hjá skákstjóra. Boðið verður upp á kaffi meðfram mótinu og fá þáttakendur frítt í sund eftir mótið. Þáttakendur mæti tímanlega í afgreiðslu þar sem starfsfólk laugarinnar vísar þeim stystu leið að mótsstað.
Veitt verða verðlaun í formi skipta í sund, 20 skipti í fyrstu verðlaun og 10 skipti í önnur og þriðju verðlaun. Sundmiðarnir gilda í allar laugar Reykjavíkurborgar. Veitt verða verðlaun fyrir efsta ungmennið (grunnskólaaldur), gjafabréf í Pylsuvagninn Laugardal. Einnig verður einn heppinn keppandi dreginn og fær líka gjafabréf í pylsuvagninn.
Miðbæjarskák þakkar Laugardalslaug kærlega fyrir gott samstarf undanfarin ár!
