Evrópumóti ungmenna lauk fyrr í dag í Riga í Lettlandi með níundu og síðustu umferð. Vignir Vatnar Stefánsson (2260), sem tefldi í flokki 16 ára og yngri, vann í lokaumferðinni og hlaut 5½ vinning. Arnar Milutin Heiðarsson (1749), sem tefldi í sama flokki og Vignir, og Gunnar Erik Guðmundsson (1579), sem tefldi í flokki 12 ára og yngri, gerðu jafntefli. Gunnar Erik fékk 4½ vinning en Arnar hlaut 3 vinninga.
Stelpurnar, Anna Katarina Thoroddsen (1081) og Soffía Arndís Berndsen töpuðu báðar í dag. Anna hlaut 3½ vinning en Soffía fékk 3 vinninga.
Gunnar Erik hækkar um heil 47 skákstig fyrir frammistöðu sína og Vignir hækkar um 10. Hin þrjú voru öll að tefla á sína fyrsta stórmóti og koma reynslunni ríkari fyrir slík mót í framtíðinni!
Fararstjóri krakkana var Einar Hjalti Jennsson.
Upplýsingar um árangur íslensku keppendanna má finna á Chess-Results.
- Heimasíða mótsins
- Chess-Results
- Beinar útsendingar (kl. 12:15)
