Átök í Expo-salnum í gær.

Mikið gengur á fyrir framan og bak við tjöldin á Ólympíuskákmótinu en forsetakosningar FIDE fara fram á miðvikudaginn. Í gær kom úrskurður siðanefndar FIDE  (Ethics commission) um Serbíu en forseti skáksambandsins var sakaður um að hafa þegið mútur en sambandið fékk €40.000 frá rússnesku fyrirtæki Í framhaldinu var skipt um FIDE-fulltrúa fyrir Serbíu, þ.e. forsetinn sjálfur varð fulltrúi á kostnað annars, sem er í stuðningsliði Makros.

Landið fer 6 mánaða bann FIDE-þingum. Það þýðir í raun og veru að Serbía getur ekki kosið núna og því tapar Dvorkevich einu atkvæði.

Aðkoma Dvorkevich þótti ekki sönnuð og hann ekki settur í bann eins og Makro hafði farið fram á.  Báðir aðilar fögnuðu sigri.

Ítarlega frásögn Macauley Petersen má lesa á Chessbase.

Mikið gekk á í EXPO-salnum í gær. Í bás Makropoulos var bæklingar þar sem félagar Dvorkevich voru sakaðir um reyna múta skáksambandböndum. Að sögn stuðningsmanna Rússans hafði fallið dómur í Georgíu um að þessi bæklingur væru ærumeiðandi og því ætti að fjarlægja hann.

Lögfræðingur á vegum Dvorkevich ætlaði að fjarlægja bæklinginn og urðu úr því mikil læti eins og sjá má í þessu myndbandi.

Zurab Azmaiparashvili tók að sér hlutverk sáttasemjarans og tókst lægja öldurnar.

Ítarlega frásögn um átök gærdagsins má finna á Chess.com.

Í gær hittust Skáksambönd Norðurlandanna og ræddu málin. Ekkert norrænu sambandanna hefur lýst yfir stuðningi við frambjóðendur að finnska skáksambandinu undanskyldu sem styður Nigel Short í fyrstu umferð.

Við upphaf fundar norrænna fulltrúa í gær.

Spennan fyrir kosningarnar er gríðarleg enda eru aðeins tveir dagar í kosningarnar.  Andrúmsloftið er þrúgandi.

Farið verður betur yfir kosningabaráttuna í Skákhlaðvarpinu í dag.

- Auglýsing -

TENGDAR GREINARFLEIRI FRÉTTIR