Íslandsmeistararar Víkingaklúbbsins.

Ritstjóri, Skák.is, bregður ekki af vana sínum og spáir í spilin fyrir Íslandsmót skákfélaga. Óvenju litlar sviptingar voru á félagaskiptamarkaði þetta árið.  Stærsta nafnið sem skipti um félag í haust var FIDE-meistarinn Ingvar Þór Jóhannesson.

Talandi um Ingvar. Í dag byrjar Skák-hlaðvarpið eftir smáhlé. Við Ingvar munum bæði ræða heimsmeistaraeinvígið í skák sem hefst á morgun í Lundúnum og auðvitað Íslandsmót skákfélaga. Spá í spilin og skákina. Fyrsta skákin hefst kl. 15 og verður líklega lokið fyrir upphaf Íslandsmótsins.

Litlar breytingar á liðunum gætu gefið til kynna að geti orðið áþekk því sem gerðist í fyrra. Víkingar munu vinna annað árið í röð og Huginn er öruggur um annað sætið. Fjölnismenn eru líklegir til að hreppa bronsið. TR-ingar hafa sterkan mannskap en gengur ekki alltaf vel að fá sína sterkari menn að skákborðinu. Koma Ingvars styrkir sveitina og svo teflir væntanlega nýjasti FIDE-meistari landsins, Hilmir Freyr Heimisson, á efri borðunum.

Fallbaráttan verður hörð. Ritstjóri verður að spá KR falli eins og venjulega enda hefur sú spá reynst KR-ingum heilladrjúg í gegnum tíðina Hið sameinaða lið Breiðabliks, Bolvíkinga og Reyknesinga (BBR), sem hefur styrkt sig með komu Vignis Vatnars, ætti að vera um miðbik deildarinnar. Spái því að b-sveit TR-b haldi áfram sínu jójói á milli 1. og 2. deildar og falli með Vesturbæingum.

Spáin

  1. Víkingaklúbburinn
  2. Huginn-a
  3. Fjölnir
  4. TR
  5. SA
  6. BBR
  7. TG
  8. Huginn-b
  9. KR
  10. TR-b

Chess-Results

Spáin fyrir 2. deild

Rétt eins og venjulega er erfitt að spá í spilin í 2. deild.  Styrkleiki sveitanna afar áþekkur. Fjórar b-sveitir eru í næstefstu deild og a.m.k. þrjár þeirra líklegar til að vera í toppbaráttunni. Svo verður að geta Hróka alls fagnaða (HAF) sem fengu góðan liðstyrk í Daða Ómarssyni. Haukar geta á góðum degi verið í toppbaráttunni en mönnunin hefur stundum verið þeim vandamál og sveitin fljót að veikjast ef stigahæstu mennirnir tefla ekki. Afar erfitt er að spá í fallbaráttuna og nánast allt eins gott að kasta teningi Á teningum komu upp Fjölnir-b og SSON.

Spáin

  1. Víkingaklúbburinn-b
  2. BBR-b
  3. SA-b
  4. HAF
  5. Haukar
  6. Vinaskákfélagið
  7. Fjölnir-b
  8. SSON

Chess-Results

3. deildin

Ritstjóri spáir Taflfélagi Akraness sigri í 3. deild. Ritstjóri telur fallliðin frá í fyrra c-sveitir Hugins og TR líklegar til að endurheimta sæti sín í 2. deild og svo gæti c-sveit BBR verið líkleg til árangurs. Átta mig ekki alveg á styrkleika hinnar sameinuðu sveitar Sauðkrækingar voru nærri sæti í 2. deild í fyrra. Ritstjóri spáir því að c-sveit Hugins fylgi TA upp í 2. deild.

Spá um efstu sæti

  1. TA
  2. Huginn-c
  3. TR-c
  4. BBR-c
  5. Sauðárkrókur

Chess-Results

4. deildin

Ritstjóri er þar í miklu myrkri. B-sveit Haf-verja er líkleg til árangurs og svo gæti d-sveit TR verið sterk. Borgfirðingar voru nærri því að vinna sig upp í fyrra og ættu að vera líklegir. C-sveit Fjölnis gæti verið sterk.

Spá um efstu sæti

  1. UMSB
  2. HAF-b
  3. TR-d
  4. Fjölnir-c

 

- Auglýsing -