Dagur og Ivanov við upphaf skákarinnar í gær.

Dagur Ragnarsson (2327) náði sínum öðrum áfanga að alþjóðlegum meistaratitli með frábærri frammistöðu á skákmóti í Montreal í Kanada sem lauk í gær.  Dagur hlaut 6½ vinning í 9 skákum. Dagur byrjaði afar vel og hafði 3½ vinning eftir 4 umferðir. Jafntefli gerði hann í 5.-8. umferð þar sem hann var oft á tíðum afar nærri því að vinna skákirnar. Sigur í lokaumferðinni á móti kanadíska FIDE-meistaranum Mike Ivanov (2251) tryggði honum áfangann.

Frammistaða Dags samsvaraði 2467 skákstigum og hækkar hann um 34 stig fyrir hana.

Þetta er annar áfangi Dags en til þess að verða útnefndur alþjóðlegur meistari þarf hann þrjá áfanga og komast í 2400 skákstig. Þeim fyrsta náði hann í á Íslandsmótinu í skák 2017 í Hafnarfirði.

Skák.is óskar Degi til hjartanlega til hamingju með áfangann!

 

- Auglýsing -