Skáksamband og Breiðablik

Íslandsmót ungmenna fer fram laugardaginn 16. nóvember í Stúkunni við Kópavogsvöll.  Mótið hefst kl. 10 Teflt er í fimm aldursflokkum. Krýndir verða 10 Íslandsmeistarar – efsti strákur og efsta stelpa í öllum flokkunum fimm.

Auk þess eru góðir happdrættisvinningar í boði í öllum flokkum. BL Bluetooth hátalarar og heyrnartól frá Heimilistækjum

Skákungmenni eru hvött til að skrá sig eigi síðar en kl. 20 í kvöld til að mótshaldarar geti sem best áttað sig á umfanginu.

Flokkaskipting

Kl 10:00 – 14:00 Íslandsmót ungmenna U16, U14 og U12

Kl 14:00 – 17:00 Íslandsmót ungmenna U10 og U8

Afar góð verðlaun verða í boði. Sigurvegari hvers flokks fær frí þátttökugjöld á Reykjavíkurskákmótið 2020 og árangur gildir til vals á NM í skólaskák.

8 ára og yngri (f. 2011 og síðar)

Teflt verður sér flokkum fyrir drengi og stúlkur. Tefldar verða sjö umferðir. Umhugsunartími: 7 + 3 mínútur.

9-10 ára (f. 2009 og 2010)

Teflt verður sér flokkum fyrir drengi og stúlkur. Tefldar verða sjö umferðir. Umhugsunartími: 7 + 3 mínútur.

11–12 ára (f. 2007 og 2008)

Stefnt að því að tefla í sérflokkum fyrir drengi og stúlkur. Verði þátttaka ekki næg kunna flokkarnir  að verða sameinaðir.  Mögulegt er einnig að stúlknaflokkurinn verði sameinaður öðrum stúlknaflokkum (þá eldri).

Tefldar verða 7 umferðir með umhugsunartímanum 10 + 2.

13–14 ára (f. 2005 og 2006)

Teflt verður í sameinuðum flokki stúlkna og stráka. Mögulegt er einnig að stúlknaflokkurinn verði sameinaður öðrum stúlknaflokkum.

Tefldar verða 7 umferðir með umhugsunartímanum 10 + 5.

15–16 ára (f. 2003 og 2004)

Teflt verður í sameinuðum flokki stúlkna og stráka. Mögulegt er einnig að stúlknaflokkurinn verði sameinaður öðrum stúlknaflokkum.

Tefldar verða 7 umferðir með umhugsunartímanum 10 + 5. 

Skráning og greiðsla þátttökugjalda

Skráning fyrir alla flokka fer fram á skák.is  (guli kassinn til hægri) eða:

Tekið verður við þátttökugjöldum og staðfestingu á mætingu 40mín fyrir mót. Þeir keppendur sem mæta seinna en 10mín fyrir mót geta misst sæti sitt í því.

Þátttökugjald er krónur 1.500 og greiðist með reiðufé við staðfestingu á mætingu. Systkini borga aldrei meira en 2.500 kr. samtals. Hægt er jafnframt að greiða í gegnum netbanka fyrir mót inn á reikning 0322-26-004664, kt. 5611121770. Vinsamlegast látið nafn keppenda koma fram í skýringu og sendið kvittun á halldorgretar@isl.is  . 

Verðlaun

Verði tveir eða fleiri keppendur jafnir í verðlaunasætum gilda oddastig.

Verðlaunaafhending fer fram að keppni lokinni í hverjum flokki.

  • Þrír efstu í öllum flokkum fá verðlaunabikar.
  • Allir Íslandsmeistararnir fá frí þátttökugjöld á Reykjavíkurskákmótið 2020.
  • Árangur í Íslandsmótinu í U14,U12,U10 og U8 er ásamt skákstigum hafður til hliðsjónar við val á keppendum á NM í skólaskák í 14.-16. febrúar í Fredericia, Danmörku.
  • Allir keppendur verða leystir út með smá glaðningi. 

Mótið verður reiknað til alþjóðlegra atskák- eða hraðskákstiga eftir því sem við á.

*Nánar um oddastig

Allir við alla: 1. Sonneborn-Berger, 2. Innbyrðis úrslit, 3. Fjöldi sigra

Opnir flokkar: 1. Buchols (-1), 2. Buchols, 3. Innbyrðis úrslit, 4. Sonneborn-Berger 5. Fjöldi sigra

- Auglýsing -