Það gekk vel í fimmtu umferð EM taflfélaga sem fram fór í gær í Svartfjallalandi. Bæði Taflfélag Reykjavíkur og Víkingaklúbburinn unnu sannfærandi sigra. Víkingaklúbburinn vann stórsigur, 5-1, á írskri sveit. Artur jakubiec, Björn Þorfinnsson, Davíð Kjartansson og Sigurður Ingason unnu sínar skákir en öðrum skákum lauk með jafntefli.
TR vann einnig stórsigur, 4½:1½, á belgískri sveit. Guðmundur Kjartansson, Helgi Áss Grétarsson, Ingvar Þór Jóhannsson og Omar Salama unnu sínar skákir.
Úrslit 5. umferðar
TR hefur 6 stig og eru í 30. sæti en Víkingar hafa 5 stig og eru í 36. sæti.
TR mætir serbnesku sveitinn Gloven Ruma sem er grjóthörð. Með fimm stórmeistarara innanborðs og stigahærri en TR á fimm borðum af sex.
Víkingaklúbburinn mætir heimamönnunum í Buducnost. Sú sveit er heldur sterkari á pappírnum en sveit Íslandsmeistarana. Edyta Jakubiec hvílir hjá Víkingunum í dag. Gunnar Freyr Rúnarsson kemur inn og Sigurður Ingason heldur stöðu sinni enda vann hann góðan sigur í gær.
Mótshaldarar hafa tekið sig á varðandi úrslitaþjónustu. Hægt er að fylgjast með hér. Vonandi verður a.m.k. önnur viðureign íslensku liðanna í beinni. Jafnvel báðar.
Pörun sjöttu umferðar
- Heimasíða mótsins
- Chess-Results
- Beinar útsendingar (hefjast kl. 14:15)
