Magnús Carlsen (2865) varð í dag heimsmeistari í hraðskák eftir æsispennandi mót sem fram fór í Moskvu um jólin. Þar með er Magnús þrefaldur heimsmeistari í skák. Í kapp-, at- og hraðskák. Carlsen og Hikaru Nakamura (2885) urðu efstir og jafnir með 16½ í 21 skák. Þeir tefldu umspil um heimsmeistaratitlinn og þar hafði sá norski betur 1½-½. Vladimir Kramnik (2748), sem sótti rykuga taflmennina í hilluna, stóð sig frábærlega og varð í þriðja sæti.
Mikið gekk á í hraðskákinni. Mest gekk þegar Carlsen vann Íranann (fyrrverandi?) Alireza Firouzja (2649). Þá féll Firouzja á tíma með biskup og þrjú peð gegn biskupi Magnúsar. Carlsen var dæmdur sigur þar sem hægt er að stilla upp máti. Fullkomlega réttur dómur samkvæmt FIDE-lögum þótt að sumum kunni að þykja hann ósanngjarn.
Lokastaða efstu manna
Lokastöðuna í heild sinni má finna á Chess-Results.
HM kvenna í hraðskák
Hin rússneska Kataryna Lagno (2606) er hraðskákmeistari kvenna. Í öðru sæti varð Anna Muzychuk (2504).
Lokastaða efstu kenna
Lokastöðuna í heild sinni má finna á Chess-Results.
Nánar um mótin á Chess.com.
Viltu tefla sjálfur?
Skáklíf landans er komið í frí í ár! Minnt er á Skákþing Reykjavíkur sem hefst 5. janúar nk.
Norðmanmenn geta teflt fyrr því Nýársmót Skákfélags Akureyrar fer fram á nýársdag.
