Hannes að tafli í Prag. Mynd: Heimasíða mótsins.

Stórmeistarinn, Hannes Hlífar Stefánsson (2529), gerði jafntefli við tékkneska stórmeistarann Thai Dai Van Ngyen (2560) í fjórðu umferð áskorendaflokks skákhátíðarinnar í Prag. Hannes er efstur í flokknum með 3 vinninga.

Fimmta umferð fer fram í dag. Þá mætir Hannes tékkneska stórmeistaranum Jan Krejci (2559). Í umferðum 6-9 mætir hann svo andstæðingum sem allir hafa meira en 2600 skákstig.

Í áskorendaflokknum tefla tíu keppendur og þar af átta stórmeistarar. Hannes er áttundi í stigaröð keppenda en meðalstigin eru 2586 skákstig. Þess má geta að Hannes er elstur keppenda á skákhátíðinni.

- Auglýsing -