Undankeppni EM taflfélaga í netskák fór fram í kvennaflokki um helgina. Frammistaða íslensku liðanna var afskaplega góð. Skákfélagið Huginn endaði í efri hluta c-riðils þrátt fyrir að vera næststigalægsta liðið á stigum og Skákdeild Fjölnis gekk mjög vel á síðari keppnisdegi í b-riðli þrátt fyrir að vera stigalægsta liðið á stigum. Þess má að liðin tvö voru tvö einu norrænu liðin sem þátt tóku.
Huginn endaði í fjórða sæti
Skákfélagið Huginn endaði í fjórða sæti c-riðli undankeppnina en fyrirfram var liðinu raðað í sjöunda og næstneðsta sæti riðilins á skáksitugm. Liðið hlaut 7 stig af 14 mögulegum.
Hallgerður Helga Þorsteinsdóttir (2009) og Jóhanna Björg Jóhannsdóttir (1935) stóðu sig báðar frábærlega og hlutu 4 vinninga í umferðun sjö þrátt fyrir að hafa teflt upp fyrir sig í flestum umferðum. Guðfríður Lilja Grétarsdóttir (1984) tefldi á sínu fyrsta móti í mörg herrans ár (ekki átt reiknað skák síðan 2012) stóð sig afar vel á fjórða borði og hlaut 3 vinninga. Lenka Ptácníková (2130) náði sér ekki á strik.
Sjá nánar á Chess-Results
Fjölnir endaði í sjöunda sæti
Fyrri keppnisdagurinn (3 umferðir) var erfiður fyrir Fjölni enda mætti sveitin þá flestum sterkstu sveitum mótsins. Mun betur gekk hins vegar síðari daginn þegar ein viðureign vannst og vinningar komu í hús í hverri umferð.
Hrund Hauksdóttir (1819) hlaut 2½ vinning. Lisseth Acevedo Mendez (1845) og Sigríður Björg Helgadóttir (1641) fengu 2 vinninga. Tinna Kristín Finnbogadóttir (1843) var í því erfiða hlutskipti að tefla á fyrsta borði og tefldi við mun stigahærri andstæðinga í hverri umferð.
Sjá nánar á Chess-Results
Flestar íslensku skákkvennanna tefldu í SÍ.
Nánar um mótið á heimasíðu ECU.
