Önnur skák undanúrslita Íslandsbikarsins hefst núna kl. 17 í dag. Guðmundur Kjartansson og Helgi Áss Grétarsson þurfa báðir nauðsynlega á sigri að halda til að knýja fram aukakeppni sem fram færi þá á morgun.
Guðmundur hefur hvítt á móti Hjörvari Steini Grétarssyni en Helgi Áss Grétarsson hefur svart á móti Hannesi Hlífari Stefánssyni. Skák Hannesar og Helga hefur farið víða í erlendri skákfjölmiðlum í dag. Hannes gaf Helga kost á drottingarfórn sem hefði leitt til máts í tveimur leikjum. Helga yfirsást fórnin og tapaði 20 leikjum síðar.
Helgi Ass Gretarsson – Hannes Stefansson, Reykjavik yesterday. White played 17.Nd2 and lost in 37 moves. Could the Icelandic GM have put up better resistance? pic.twitter.com/AQ1p2KqP3w
— Nigel Short (@nigelshortchess) March 11, 2021
Björn Ívar Karlsson og Ingvar Þór Jóhannesson verða með beina lýsingu sem hefst upp úr kl. 17 í dag. Hægt er fylgjast með skákunum á öllum helstu skákþjónum heims.
