Íslandsmeistarinn Hjörvar Steinn Grétarsson (2577) lauk FIDE Grand Swiss mótinu með tapi í lokaumferðinni. Hjörvar stýrði svörtu mönnunum gegn Alan Pichot (2630) frá Argentínu.
Pichot fórnaði peði snemma gegn Caro-Kann vörn Hjörvars. Hjörvar virtist vera að halda stöðunni og frumkvæði hvíts í skefjum en fann ekki rétta framhaldið í miðtaflinu.
Heilt yfir tefldi Hjörvar vel á mótinu en var óheppinn með úrslit í mörgum skákum. Hann mætir heitur til leiks á Evrópumót landsliða!
Alireza Firouzja varð sigurvegari mótsins og hann vann sér rétt til að tefla á Áskorendamótinu 2022 ásamt Fabiano Caruana. Báðir gerðu þeir jafntefli í lokaumferðinni.
The #GrandSwiss2021 has finished after 11 exciting rounds! The winner Alireza Firouzja and the runner-up Fabiano Caruana, qualify for the 2022 #FIDECandidates, while Oparin, Yu Yangyi, Keymer, Vachier-Lagrave, Predke and Shirov qualify for the Grand Prix Series. 👏 pic.twitter.com/MtlS04jY3F
— International Chess Federation (@FIDE_chess) November 7, 2021
Kvennamegin vann Lei Tingjie öruggan sigur og hún teflir á næsta áskorendamót kvenna.
Nánar má lesa um gang lokaumferðarinnar á Chess.com.
108 keppendur tóku þátt í opna flokknum og þar af voru 107 stórmeistarar! Hjörvar var nr. 96 í stigaröð keppenda sem segir margt um styrkleika mótins.
