Vignir Vatnar Stefánsson (2306) hefur mikla yfirburði á afmælismóti Ólafs Kristjánssonar sem fram fer í Hofi á Akureyri um helgina. Vignir hefur 7½ vinninga að loknum átta umferðum. Aðeins Stephan Briem (2191) hefur náð jafntefli gegn alþjóðlega meistaranum.
Magnús Pálmi Örnólfsson (2116), Rúnar Sigurpálsson (2287), Benedikt Briem (1635) og Jón Kristinn Þorgeirsson (2191) eru í 2.-5. sæti með 5½ vinning. Heilum tveimur vinningum á eftir Vigni.
Veitt eru verðlaun fyrir fimm efstu sætin. Auk þess eru veitt verðlaun fyrir árangur í fjórum flokkum. Þar eru í forystu
- Kvennaverðlaun: Iðunn Helgadóttir
- Öldungaverðlaun: Áskell Örn Kárason
- Stigaverðlaun (u2000): Benedikt Briem
- Stigaverðlaun (u1600): Benedikt Þórisson
Mótinu lýkur á morgun með umferðum 9-11.
Mótið er haldið til heiðurs Ólafi Kristjánssyni sem fagnaði áttræðisafmæli fyrir skemmstu.
- Auglýsing -
