Íslenska ungmennaliðið lagði lið Berlínar í lokaumferðinni á Chess Mates mótinu á Írlandi. Krökkunum tókst því að enda mótið á góðum nótum með fyrsta liðssigrinum á mótinu. Keppt var í tveimur fjögurra liða riðlum, allir við alla á tíu borðum og svo undanúrslit/umspil og loks teflt um sæti í lokaumferðinni. Lukkudísirnar voru ekki á okkar bandi í riðlinum og því fór sem fór.
Sigur vannst loks í lokaumferðinni eins og áður sagði. Íslenska liðið endaði á að leggja Berlínarbúana að velli 7-3.
Arnar Milutin kórónaði góða frammistöðu með sigri í lokaumferðinni og fékk hann 4/5 á mótinu og nálgast 2100 stiga múrinn óðfluga. Þorsteinn Jakob, Ingvar, Iðunn og Engilbert unnu líka sínar skákir í lokaumferðinni.
Skákir lokaumferðarinnar:
Sveit Parísar vann sigur á mótinu eftir úrslitaviðureign við lið Monaco. Athyglisvert var að fulltrúar undirbúningsnefndar Ólympíuleikana voru í för með franska liðinu. París mun halda þarnæsta Chess Mates mót í mars 2024 en næsta mót er í október í Rotterdam. Ísland hefur áhuga á að taka þátt á þessum mótum og verður að koma í ljós hvernig gengur að komast inn í batteríið en Ísland var gestalið að þessu sinni.
Að loknu móti fóru flest lið af stað til síns heima en íslenska liðið hafði loka góðan frítíma á sunnudeginum eftir mikla törn. Ákveðið var að skella sér til hins svokallaða Trim Castle, kastali frá 1187 en þar voru meðal annars tekin upp atriði í kvikmyndinni Braveheart.
Eftir Trim Castle var haldið aftur til Navan (sem N.B. er heimabær Pierce Brosnan) og þar var horft á knattspyrnuleik Liverpool og Newcastle. Í kjölfar þess leik var ákveðinn drykkur uppseldur í bænum!
Að lokum var sameiginlegur og vel heppnaður kvöldverður. Mjög skemmtilegt mót eins og áður sagði og vonandi er þetta verkefni sem er komið til að vera.
Mótið á chess-results
Lichess útsendingar (skákir mótsins)
