Það er heldur betur nóg að gera í íslensku skáklífi þessa dagana! Norðurlandamót stúlkna fer fram helgina 26.-28. apríl í húsnæði Taflfélags Reykjavíkur, Faxafeni 12. Þátt taka 40 stúlkur og þar af 13 íslenskar!
A-flokkur (u20)
Tíu keppendur taka þátt. Fulltrúi Íslands er reynsluboltinn. Iðunn Helgadóttir (1813) sem teflir í fyrsta skipti í a-flokki
B-flokkur (u16)
14 keppendur taka þátt og Ísland fimm fulltrúa. Reynsluboltinn Guðrún Fanney Briem er stigahæst fulltrúa okkar í b-flokki. Auk hennar taka þátt Katrín María Jónsdóttir, Margrét Kristín Einarsdóttir, Sóley Kría Helgadóttir og Hrafndís Karen Óskarsdóttir. Allar að tefla á sínu fyrstu Norðurlandamóti nema Katrín María.
C-flokkur (u13)
16 keppendur taka þátt og þar á Ísland 7 fulltrúa. Fulltrúar Íslands eru Silja Rún Jónsdóttir (1509), Emilía Embla Berglindardóttir (1505), Sigrún Tara Sigurðardóttir (1468), Elsa Margrét Aðalgeirsdóttir, Tara Líf Ingadóttir, Halldóra Jónsdóttir og Emilía Sigurðardóttir.
Fyrsta umferð verður tefld kl. 18 á föstudaginn. Mótinu verður svo framhaldið á laugardag og sunnudag með umferðum kl. 9 og 15. Alls eru tefldar fimm umfeðir.
Mótinu verður gerð betri þegar nær dregur og að sjálfsögðu fylgst vel með gangi mála á meðan móti gengur.
