Friðriksmót Landsbankans – Íslandsmótið í hraðskák – fer fram í ár sem endranær! Teflt verður í nýlegum glæsilegum höfuðstöðvum bankans, Reykjastræti 6. Mótið fer fram sunnudaginn 1. desember og hefst kl. 14 og stendur til kl. 17:30-18:00.
Flestir sterkustu skákmenn þjóðarinnar taka þátt. Tímamörkin eru 3+2 og tefldar eru þrettán umferðir.
Verðlaun í ár hækka um 50% eða úr 330.000 kr. í 500.000.
SKRÁNING
Skráning fer eingöngu fram í SportAbler og er formið á Skák.is (guli kassinn til hægri). Þátttökugjöld verða 1.000 kr. fyrir alla og renna þau alfarið í verðlaunapott mótsins sem hækkar töluvert frá síðasta ári. Ekki verður hægt að skrá sig á skákstað.
Skákmenn eru hvattir til að skrá sig sem fyrst enda takmarkast þátttaka við um 100 manns. Gildir þar lögmálið, fyrstir koma, fyrstir fá.
Skráningarfrestur er til kl. 14, föstudaginn, 29. nóvember. Nauðsynlegt er einnig að staðfesta skráningu fyrir kl. 13:50 á skákstað.
Þetta er 21. árið í röð sem Landsbankinn og Skáksamband Íslands standa fyrir Friðriksmótinu í skák, en mótið er haldið til heiðurs Friðriki Ólafssyni, fyrsta stórmeistara Íslendinga.
AÐALVERÐLAUN
Séu tveir eða fleiri jafnir í efsta sætinu verður stigaútreikningur* látinn ráða Íslandsmeistaratitlinum. Verðlaunafé skiptist eftir Hort-kerfinu. Aðeins verða veitt verðlaun til fimm efstu manna eftir stigaútreikning.
- 160.000
- 100.000
- 80.000
- 50.000
- 30.000
AUKAVERÐLAUN
- Árangursverðlaun 2000+ (árangur í samanburði við eigin stig) – 25.000 kr.
- Árangursverðlaun u2000 (árangur í samanburði við eigin stig) – 25.000 kr.
- Kvennaverðlaun – 25.000 kr.
Aukaverðlaun eru miðað við alþjóðleg hraðskákstig 1. desember sl. (alþjóðleg skákstig til vara hafi menn ekki alþjóðleg hraðskákstig). Stigaútreikningur ræður séu menn jafnir og efstir.
Vinni keppandi aðalverðlaun hefur hann ekki möguleika á aukaverðlaunum. Hver keppandi getur aðeins unnin ein aukaverðlaun og eru aukaverðlaunin valin í þeirri röð sem fram kemur að ofan.
Mótið er reiknað til alþjóðlegra hraðskákstiga.
FYRRI SIGURVEGARAR
- 2023 – Vignir Vatnar Stefánsson
- 2022 – Helgi Áss Grétarsson
- 2021 – Helgi Ólafsson
- 2020 – Hjörvar Steinn Grétarsson
- 2019 – Jón Viktor Gunnarsson
- 2018 – Jóhann Hjartarson
- 2017 – Hannes Hlífar Stefánsson
- 2016 – Jóhann Hjartarson
- 2015 – Þröstur Þórhallsson
- 2014 – Héðinn Steingrímsson
- 2013 – Helgi Ólafsson
- 2012 – Bragi Þorfinnsson, Hjörvar Steinn Grétarsson og Jón Viktor Gunnarsson
- 2011 – Henrik Danielsen
- 2010 – Jón Viktor Gunnarsson og Þröstur Þórhallsson
- 2009 – Héðinn Steingrímsson
- 2008 – Helgi Ólafsson
- 2007 – Héðinn Steingrímsson
- 2006 – Helgi Áss Grétarsson
- 2005 – Jón Viktor Gunnarsson og Arnar E. Gunnarsson
- 2004 – Jóhann Hjartarson og Stefán Kristjánsson
*Mótsstig reiknast svo
- Buchols -1
- Buchols
- Sonneborn-Berger
- Innbyrðis úrslit
- Flestir sigrar
