Fjölnismenn halda áfram að sigla lygnan sjó í átt að titilvörn sinni á Íslandsmóti Skákfélaga. Fjölnismenn lögðu TG að velli en á sama tíma töpuðu einu sveitirnar sem áttu fræðilegan möguleika á að ná Fjölnismönnum, TR og KR bæði sínum viðureignum. Fjölnismenn hafa 5 stiga forskot og þörf er á kraftaverki svo þeir verji ekki Íslandsmeistaratitil sinn.
Síðari hluti Íslandsmóts skákfélaga 2024-25 hófst í kvöld í Rimaskóla með sjöttu umferð í úrvalsdeild. Annað kvöld fer fram sjöunda umferð. Aðrir deildir hefjast á laugardaginn.
| Tímasetning | Úrvalsdeild | Aðrar deildir |
| Fimmtud., 27. feb. kl. 19:00 | 6. umf. | |
| Föstud., 28. feb. kl. 19:00 | 7. umf. | |
| Laugard., 1. mars, kl. 11:00 | 8. umf. | 5. umf. |
| Laugard., 1. mars, kl. 17:30 | 9. umf. | 6. umf. |
| Sunnud., 2. mars, kl. 11:00 | 10. umf. | 7. umf. |
Úrslit 6. umferðar urðu eftirfarandi:
TG-ingar börðust vel og gaman var að sjá núverandi og fyrrverandi landsliðskonur standa fyrir sínu!
Breiðablik vann stórsigur á löskuðu liði Taflfélags Reykjavíkur en lið Taflfélags Vestmannaeyja náðu í úrslit umferðarinnar þegar þeir lögðu KR óvænt að velli. Skemmtilegur viðsnúningur í skák Björns Þorfinnssonar gegn Hannesi Hlífari var þar lykillinn að sigrinum.
Því miður virðist mesta spennan dottin úr keppninni strax eftir eina umferð. En fjórar umferðir eru þó eftir í úrvaldsdeild og margt sem á eftir að gerast á skákborðinu!
- Heimasíða mótsins
- Chess-Results
- Beinar útsendingar
- Skáklög Skáksambands Íslands (12. grein)
- Reglugerð um Íslandsmót skákfélaga
