Rimaskóli varð Íslandsmeistari barnaskólasveita. Sveitin vann sigur á mótinu sem fram fór í Rimaskóla í gær eftir spennandi keppni. Rimaskóli fær keppnisrétt á Norðurlandamóti barnaskólasveita sem fram fer í Finnlandi í haust.
Góð þátttaka var á mótinu. 36 sveitir mættu til leiks. Það þarf að fara langt aftur í tímann til að finna sama fjölda sveita.
Keppnin var æsispennandi og ýmsar sveitir skiptust á að vera í forystu. Að lokum hafnaði Rimaskóli í fyrsta sæti. Sveitin fékk 25 vinninga af 32 mögulegum.
Langholtsskóli varð annar með 22,5 vinninga.
Fráfarandi Íslandsmeistarar, Lindaskóli, urðu þriðju.
Rimaskóli sýndi yfirburði, enda unnu þeir einnig keppnir b-, c- og d-sveita. Fullt hús!
Flúðaskóli vann keppni landsbyggðarsveita. Sveitina skipuðu:
- Fannar Kristinsson
- Loftur Þorsteinsson
- Kacper Jerzy Sójka
- Helgi Fannar Oddsson
Barnaskóli Eyrarbakka og Stokkeyri urðu í öðru sæti.
en Grunnskólinn á Þórshöfn, sem kom lengst að allra sveita, varð í þriðja sæti.
Lokastöðuna má finna á chess-results.
Borðaverðlaunahafar urðu:
| 1.borð | Vinningafjöldi: | Skóli: |
| Birkir Hallmundarson | 8 | Lindaskóli |
| Dagur Sverrisson | 8 | Vesturbæjarskóli a-sveit |
| Pétur Úlfar Ernisson | 7 | Langholtsskóli A-sveit |
| 2.borð | ||
| Örvar Hólm Brynjarsson | 8 | Lindaskóli |
| Emilía Embla B. Berglindardóttir | 7 | Rimaskóli a-sveit |
| 3.borð | ||
| Emilía Klara Tómasdóttir | 7 | Hvaleyrarskóli b-sveit |
| 4.borð | ||
| Inga Jóna Haarde Vignisdóttir | 7 | Melaskóli a-sveit |
| Helgi Fannar | Flúðaskóli a-sveit | |
| Derick Matthias | 7 | Austurbæjarskóli a-sveit |
Mótsstjórn var í höndum Jóhönnu Bjargar Jóhannsdóttur. Skákstjórar ásamt Jóhönnu voru Daði Ómarsson, Róbert Lagerman, Auðbergur Magnússon, Hrund Hauksdóttir og Heimir Páll Ragnarsson.
Skáksambandið þakkar öllum starfsmönnum, foreldrum, liðsstjórum og keppendum kærlega fyrir gott samstarf!
